“Mən fəxr edirəm ki, azərbaycanlıyam” adlı tədbir keçirildi
Dekabrın 28–də məktəbdə 8-ci sinfin rəhbəri Xuraman Məhəmmədovanın təşkilatçılığı ilə 8-ci və 10-cu sinif şagirdlərinin iştirakı ilə “Mən fəxr edirəm ki, azərbaycanlıyam” adlı tədbir keçirildi. Dövlət himninin səslənməsi ilə başlanan tədbirdə Ulu öndər Heydər Əliyevin “31 Dekabr Dünya Azərbaycanlılarının Həmrəylik Günü”nü təsis etmə tarixi haqqında məlumatla davam etdirildi. Tədbirdə məktəbin direktoru T.Əsədova Dünya Azərbaycanlılarının Həmrəyliyi Günü ərəfəsində tədbir iştirakçılarını səmimi qəlbdən salamladı, hər bir kəsə səadət və firavanlıq arzuladı. Tədbirin təqdimatını 10-cu sinif şagirdləri Nicat və Ayşən təqdim etdi. Təqdimatı təqdim edən şagirdlər – Azərbaycanların birlik şüarının simvolik günü olan 31 Dekabr – DAH günü haqqında geniş məlumat verdilər. Bu bayramı qeyd etmək üçün 6 nömrəli Uşaq Yaradıcılıq Mərkəzinin istedadlı şagirdləri də tədbirdə fəal iştirak etməklə şagird həmrəyliyini nümayiş etdirdilər.
