20 Yanvar faciəsinin otuz beşinci ildönümünə həsr olunmuş xüsusi dərs
17.01.2025-ci il tarixində D. Cəbrayılov adına 119 nömrəli məktəbin VIIA sinfində 20 Yanvar faciəsinin otuz beşinci ildönümünə həsr olunmuş xüsusi dərs təşkil olundu. Dərsin əsas məqsədi faciə qurbanlarını ehtiramla anmaq, şagirdlərə vətənpərvərlik və milli ruhun aşılanması, vətən yolunda canından keçmiş şəhidlərin hər zaman xatırlanmasının zəruriliyi idi.
Dərs şəhidlərimizin ruhuna hörmət əlamət olaraq 1 dəqiqəlik sükut ilə başladı. Azərbaycan dili və ədəbiyyat müəllimi Nərgiz Əlisoy "20 Yanvar" gününün mahiyyəti barədə şagirdlərlə diskussiya başlatdı. Şagirdlər faciə haqqında məlumat verərək onu törədənləri və ümumilikdə terror hadisələrini pislədiklərini bildirdilər. İlham və Fərizə, Larisa Məmmədova, Ülvi Bünyadzadə və digər şəhidlərimiz haqqında müxtəlif təqdimatlar dinlənildi, şeirlər səsləndirildi.
