Maarifləndirici görüş keçirildi.
15.01.2025-ci il tarixində D.Cəbrayılov adına 119 nömrəli tam orta məktəbdə DİN Polis Akademiyasının fiziki hazırlıq kafedrasının baş müəllimi polis kapitanı Natiq Eminovun, Polis Akademiyasının 5-ci kurs kursantı Qulu Quluzadənin və IX-XI sinif şagirdlərinin iştirakı ilə gənclərin DİN sistemində təhsilə, xidmətə təşviq edilməsi barəsində görüş keçirildi.
Tədbirdə polis akademiyasına qəbul qaydaları və orada yaradılmış maddi-sosial baza haqqında geniş məlumatlar şagirdlərin diqqətinə çatdırıldı. Həmçinin gənclərə gələcəkdə dövlətinə və vətəninə sadiq olmaq, sağlam ruhda böyümək üçün müəyyən tövsiyələr verildi.
Sonda polis peşəsinə yiyələnmək arzusunda olan şagirdlərlin fiziki hazırlıq normativləri yoxlanıldı və bu barədə suallar cavablandırıldı, tövsiyələr verildi.
