"Qəhrəmanlar unudulmur" adlı tədbir
13 dekabr 2024-cü il tarixində məktəbin adını daşıyan şəhid Dərdayıl Süleyman oğlu Cəbrayılovun anım günü ilə bağlı “Qəhrəmanlar unudulmur” adlı tədbir keçirildi. Tədbir Azərbaycan Respublikasının Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə açıq elan edildi.
İlk olaraq məktəbin direktoru Mətanət Mayılova şəhidin vətənpərvərliyindən, göstərdiyi şücaət və qəhrəmanlıqdan söz açdı. O, bildirdi ki, torpaqlarımızın azadlığı uğrunda gedən döyüşlərdə qəhrəmancasına vuruşaraq müqəddəs şəhidlik zirvəsinə ucalmış, gənc nəslə örnək nümunəsi, hərb tariximizin ləyaqətli siması, öz məğrurluğu, hünəri ilə adı tariximizə əbədi yazılan Dərdayıl Cəbrayılovun xatirəsi hər bir azərbaycanlının qəlbində daim yaşayacaq.
Tədbirdə şagirdlər şəhidlərə aid şeirlər səsləndirib, mahnılar ifa etdilər.
Sonda şəhidin həyatı, keçdiyi döyüş yolu barədə hazırlanmış videoçarx izlənildi.
