Böyük Summativ Qiymətləndirmələrə start verildi.
27 may 2024-cü il tarixindən etibarən Böyük Summativ Qiymətləndirməyə (BSQ) start verildi.
Böyük summativ qiymətləndirmələrin keçirilməsində əsas məqsəd müvafiq məzmun və dəyərləndirmə standartları əsasında hazırlanmış vasitələrlə şagird nailiyyətlərini müəyyən etmək, onların bilik və bacarıqlarını yoxlamaqdan ibarətdir.
Ümumi təhsil müəssisələrində rəqəmsal summativ qiymətləndirmənin keçirilməsi barədə BŞTİ-nin müvafiq təlimatına əsasən məktəbin V siniflərində elektron təşkil edilməsi nəzərdə tutulan Böyük Summativ Qiymətləndirmələr öncədən müəyyən edilmiş cədvəl əsasında növbəli şəkildə İKT ilə təchiz edilmiş informatika kabinetlərində keçirilməyə başlanılıb. BSQ-lərin hazırlanması, sistemə yüklənməsi və keçirilməsi birbaşa məktəb rəhbərliyinin nəzarəti və təşkilatçılığı ilə reallaşdırılıb. BSQ-lər V siniflərdə Ana dili, Riyaziyyat, İngilis dili fənlərindən təşkil edilib.
