"Dövlət müstəqilliyimiz əbədi və sarsılmazdır" adlı tədbir təşkil olundu.
27.05.2024-cü il tarixində D.Cəbrayılov adına 119 nömrəli tam orta məktəbdə azərbaycan dili və ədəbiyyat müəllimi Nərgiz Əlisoy tərəfindən müstəqilliyimizin ildönümünə həsr olunmuş "Dövlət Müstəqilliyimiz əbədi və sarsılmazdır" adlı tədbir təşkil olundu.
Tədbirdə iştirak edən şagirdlər müstəqilliyimizin əldə olunması, qorunması haqqında məlumat verdilər. Daha sonra müxtəlif nəğmələr və şeirlər səsləndirdilər.
Sonda məktəbin direktoru Mətanət Mayılova çıxış etdi. O, öz çıxışında şagirdləri təbrik edərək müstəqilliyimizin qorunub saxlanmasının Azərbaycanın vətənpərvər gəncliyinin üzərinə düşən mühüm vəzifə olduğunu qeyd etdi. Vətənin hər qarış torpağının əziz olduğunu, uğrunda həlak olan şəhidlərimizin hər zaman qəlbimizdə yaşayacağını bildirdi.
