"Unudulmaz Ulu Öndər" adlı tədbir
10 may 2024-cü il tarixində D.Cəbrayılov adına 119 nömrəli tam orta məktəbdə Ulu Öndər Heydər Əliyevin 101 illiyinə həsr olunmuş “Unudulmaz Ulu Öndər” adlı tədbir keçirildi. Tədbir Azərbaycan Respublikasının Dövlət Himninin səsləndirilməsi və Ulu Öndər Heydər Əliyevin əziz xatirəsinin bir dəqiqəlik sükutla yad edilməsi ilə başladı.İlk olaraq şagirdlər böyük şəxsiyyətin həyatı və Azərbaycanımız naminə, ölkəmizin inkişafı yolunda gördüyü saysız-hesabsız işlər barədə məlumat verdilər. Şagirdlər dahi şəxsiyyət Heydər Əliyevə həsr olunmuş ədəbi-bədii kompozisiyalar nümayiş etdirdilər. Daha sonra məktəbin direktoru Mətanət Mayılova çıxış edərək vurğuladı ki, Azərbaycan xalqı xoşbəxt xalqdır ki, bu ölkəyə Heydər Əliyev kimi müdrik insan, siyasi lider rəhbərlik edib və bugün bu siyasət dövlət başçısı cənab İlham Əliyev tərəfindən uğurla davam etdirilir.
Tədbir məktəblilərin vətənpərvərlik mövzusunda səsləndirdikləri şeir və mahnılarla başa çatdı.
