"Dəyərlərimizi qoruyaq!" layihəsi çərçivəsində kinofilm nümayişi
Bakı Şəhəri üzrə Təhsil İdarəsinin 28.02.2024 –cü il tarixli 3-29-59/3-2-103F/2024 nömrəli “Dəyərlərimizi qoruyaq!” layihəsinin icrasını təmin etmək məqsədilə D.Cəbrayılov adına 119 nömrəli tam orta məktəbin informatika müəllimi Nərmin Rəhimzadə tərəfindən Novruz adətlərini əks etdirən kinofilmlərin nümayişi təşkil olundu. İlk olaraq informatika müəllimi Novruz bayramının tarixi kökləri barədə şagirdlərə ətraflı məlumat verdi və qeyd etdi ki, milli-mənəvi dəyərlərə hörmət etmək və onları qorumaq hər birimizin borcudur.
Daha sonra şagirdlər "Qızıl Uçurum", "Yeddi oğul istərəm", "Dəli Kür" milli kinofilmlərdən kadrlara baxdılar.