Heydər Əliyevin anım gününə həsr olunmuş dərs
12 dekabr 2023-cü il tarixində D.Cəbrayılov adına 119 nömrəli tam orta məktəbin azərbaycan dili,ədəbiyyat müəllimi Nərgiz Əlisoy tərəfindən VIA sinfində ümummilli lider Heydər Əliyevin anım gününə həsr olunmuş öyrədici-didaktik dərs təşkil olundu. Dərsin əsas məqsədi dahi liderin həyat və fəaliyyətinin ,ölkəmiz üçün etdiyi müstəsna tarixi xidmətlərin şagirdlərə aşılanması idi. Əvvəlcə ulu öndərin ruhu ehtiramla yad edildi. Daha sonra şagirdlər "Heydər Əliyev və Qarabağ", " Heydər Əliyev və təhsil", "Güclü lider", " Vəfalı ömür yoldaşı", "Heydər Əliyevin ailəsi" olaraq 5 ayrı qrupa bölünərək etdikləri araşdırmalar əsasında təqdimatlar hazırladılar.
Hazırlanmış təqdimatlar birlikdə müzakirə olunaraq əldə edilmiş fikirlər ümumiləşdirildi.
