"Zəfər günü"nə həsr olunmuş sərgi
7 noyabr 2023-cü il tarixində D.Cəbrayılov adına 119 nömrəli tam orta məktəbdə “Zəfər günü”nə həsr olunmuş rəsm sərgisi təşkil edilib. Sərgidə “Balaca rəssamlar” dərnəyinə üzv olan şagirdlərin Vətən Müharibəsi mövzusuna həsr olunan rəsmləri, əl işləri nümayiş olunub.
Təşkil olunan sərginin məqsədi şagirdlərin vətənpərvərlik ruhunda böyüməsinə töhfə vermək, onlara Müzəffər Ali Baş Komandanın rəhbərliyi ilə Şanlı Azərbaycan Ordusunun 44 gündə qazandığı böyük qələbənin mahiyyətini aşılamaq və xüsusi istedada malik olan şagirdləri üzə çıxarmaqdan ibarət olmuşdur.
