Zəfərin mübarək, Azərbaycan! adlı tədbir
6 noyabr 2023-cü il tarixində D.Cəbrayılov adına 119 nömrəli tam orta məktəbdə IA sinif şagirdlərinin iştirakı ilə “Zəfərin mübarək, Azərbaycan” adlı tədbir keçirildi. Tədbirin keçirilməsində əsas məqsəd Zəfər tariximizi bizə yaşadanları tanıtdırmaq, şagirdləri Vətənə məhəbbət ruhunda tərbiyə etmək, onlarda vətənpərvərlik, xalqa, torpağa bağlılıq hissini yüksəltməkdən ibarət olmuşdur. Tədbirdə ilk olaraq Azərbaycan Respublikasının Dövlət Himni səsləndirildi, Vətən uğrunda canlarını qurban vermiş şəhidlərimizin əziz xatirəsi bir dəqiqəlik sükutal yad edildi. Şagirdlər vətənpərvərlik mövzusunda şeirlər söylədi, mahnı və rəqslər ifa etdilər.
