Təhlükəsiz informasiya axtarışı adlı maarifləndirici seminar keçirildi.
19 oktyabr 2023-cü il tarixində D.Cəbrayılov adına 119 nömrəli tam orta məktbədə IX sinif şagirdləri ilə məktəbin psixoloqu Natəvan Əliyeva, informatika müəllimi Nərmin Rəhimzadə tərəfindən “Təhlükəsiz informasiya axtarışı” adlı maarifləndirici seminar keçirildi. Seminarın keçirilməsinin əsas məqsədi reproduktiv sağlamlığın qorunması sahəsində aparılan maarifləndirici işlər istiqamətində etibarlı informasiya mənbəyinin izah edilməsi, yeniyetmələrin yanlış, həqiqətə uyğun olmayan zərərli məlumatlardan uzaqlaşdırılmasında ibarət olmuşdur.
İlk olaraq psixoloq çıxış edərək şagirdləri qeyri-səhih, etik normalara uyğun olmayan informasiyalardan, neqativ hisslər yaradan saytlardan uzaq durmağı məsləhət verdi.
Daha sonra informatika müəllimi çıxış edərək qeyd etdi ki, sosial şəbəkə istifadəçilərinin günbəgün artması özü ilə yanaşı təhlükəsizlik problemlərini də gətirir. O, şagirdlərə sosial şəbəkə dələduzlarından qorunmaq üçün nələrə diqqət etməli olduqları barədə tövsiyyələrini verdi.
Sonda mövzu ilə bağlı şagirdlərə slayd nümayiş olundu, şagirdləri maraqlandıran suallar cavablandırıldı.
