"Əbədiyaşar lider-Heydər Əliyev" adlı tədbir
11 may 2023-cü il tarixində D.Cəbrayılov adına 119 nömrəli tam orta məktəbin ibtidai sinif müəllimi Balacaxanım Müzəffər-zadənin rəhbəri olduğu IVB sinfi ilə Heydər Əliyev ilinə həsr olunmuş “Əbədiyaşar lider-Heydər Əliyev” adlı tədbir keçirildi. Tədbirin keçirilməsində əsas məqsəd Ümummilli Lider Heydər Əliyevin uzaqgörən siyasəti, əzmkarlığı, xalqı üçün misilsiz fəaliyyətini şagirdlərin nəzərinə çatdırmaqdan ibarət idi. Tədbir Azərbaycan Respublikasının Dövlət Himninin səsləndirilməsi ilə başlandı.
Tədbirdə şagirdlər Ulu öndərə həsr olunmuş şeirlər söyləyib, mahnılar səsləndirib, rəqs nümunələri ilə çıxış etdilər.
Tədbirin sonunda IV siniflər arasında “Əbədiyaşar lider” adlı bilik yarışı keçirildi. Bilik yarışında Heydər Əliyevin həyat və fəaliyyətinə dair suallar verildi. Bilik yarışında IVC sinfi I yerə layiq görüldü.
Sonda tədbir iştirakçılarına nümunəvi çıxışlarına görə təşəkkürnamə verildi.
