"21 Fevral Beynəlxalq Ana Dili Günü"nə həsr olunmuş tədbir
21 fevral 2023-cü il tarixində D. Cəbrayılov adına 119 nömrəli tam orta məktəbdə Azərbaycan dili, ədəbiyyat müəllimi Nərgiz Muradovanın təşkilatçılığı ilə "21 Fevral Beynəlxalq Ana Dili Günü"nə həsr olunmuş tədbir keçirilmişdir. Tədbir Azərbaycan Respublikasının Dövlət himninin səsləndirilməsi, şəhidlərimizin ruhunun bir dəqiqəlik sükutla yad edilməsi ilə başlandı. Tədbirdə ana dilimizin təşəkkül tarixindən , onun formalaşmasında rol oynamış dəyərli maarifçi və ziyalılardan bəhs edildi.
Şagirdlər ana dilimizin zənginliyi və şirinliyinin təbliğ olunduğu şeir və musiqilər ifa etdilər, Səməd Vurğunun "Vaqif" dramından seçilmiş bir hissəni səhnələşdirdilər. Tədbirin sonunda məktəb direktoru Mətanət Mayılova çıxış edərək dilimizə yad sözlərdən istifadənin onun zənginliyinə xələl gətirdiyini, milli sözlərdən istifadə etməklə onu qorumağın vacibliyini vurğuldı.
