Torpağı Vətənləşdirən Mübariz İbrahimov
7 fevral 2023-cü il tarixində Dərdayıl Cəbrayılov adına 119 nömrəli tam orta məktəbin ibtidai sinif müəllimi Elnarə İmanovanın rəhbəri olduğu 1c sinfi ilə Milli Qəhrəman Mübariz İbrahimovun 35 illik yubileyinə həsr olunmuş "Torpağı Vətənləşdirən Mübariz İbrahimov" adlı qəhrəmanlıq və vətənpərvərlik mövzusunda tədbir keçirildi. İlk olaraq tədbirdə Azərbaycan Respublikasının Dövlət Himni səsləndirilidi, şəhidimizin ruhu bir dəqiqəlik sükutla yad edildi. Tədbirdə şagirdlər Milli Qəhrəmanın göstərdiyi şücaətindən danışdılar. Vətənpərvərlik mövzusunda şeir və mahnılarla çıxış edərək, Mübariz İbrahimovun keçdiyi həyat yolundan bəhs edən animasiya filmini izlədilər. Tədbirin sonunda məktəbin direktoru Mətanət Mayılova tədbir iştirakçılarını Təşəkkürnamə ilə mükafatlandıraraq onlara təşəkkürünü bildirdi.
