Tariximizin şanlı səhifəsi-20 Yanvar
19 yanvar 2023-cü il tarixində D.Cəbrayılov adına 119 nömrəli tam orta məktəbdə Azərbaycanın azadlıq və müstəqillik mübarizəsi tarixinə qəhrəmanlıq səhifəsi kimi yazılmış 20 Yanvar faciəsinin otuz üçüncü ildönümünə həsr olunmuş “Tariximizin şanlı səhifəsi-20 Yanvar” adlı tədbir keçirildi. İlk olaraq Azərbaycan Respublikası Dövlət Himni səsləndirildi, şəhidlərin ruhu bir dəqiqəlik sükutla yad edildi. Daha sonra məktəbin tarix müəllimi Rəqsanə Mehdiyeva tarixə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə geniş söhbət açaraq qeyd etdi ki, 20 Yanvar hadisələri xalqımızın mübarizliyini, əyilməzliyini, məğrurluğunu təcəssüm etdirir. Şagirdlər 20 Yanvar faciəsinə aid şeirlər, mahnılar səsləndirdilər, səhnəciklər nümayiş etdirdilər.
Azərbaycan xalqının tarixinə unudulmaz qəhrəmanlıq səhifəsi kimi yazılan 20 Yanvar faciəsinin yalnız ildönümlərində deyil, hər zaman xatırlanması şagirdlərə tövsiyə edildi.
