20 Yanvar faciəsinin otuz üçüncü ildönümünə həsr olunmuş xüsusi dərslər
Elm və Təhsil Nazirinin 2023-cü il 10 yanvar tarixli 3-29/3-2-03F/2023 nömrəli əmri ilə təsdiq edilmiş “20 Yanvar faciəsinin otuz üçüncü ildönümü ilə bağlı Elm və Təhsil Nazirliyinin Tədbirlər Planı”na əsasən 19 yanvar 2023-cü il tarixində D.Cəbrayılov adına 119 nömrəli tam orta məktəbdə ilk dərs və məşğələlər 20 Yanvar hadisələrinin otuz üçüncü ildönümünə həsr edilib.
Dərsləri tədris edən müəllimlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə söhbət açıblar.
Qeyd edilib ki, 20 Yanvar xalqımızın tarixində təkcə faciə deyil, həmdə istiqlal mücadiləsinin qələbəsi, azadlıq istəyinin oyanış günüdür. 33 ildir Azərbaycan xalqı bu günü Vətənimizin azadlığı və suverenliyi uğrunda qurban getmiş mərd oğul və qızlarının xatirəsini dərin hörmət və ehtiramla yad edir.
