119 №-Lİ TAM ORTA MƏKTƏB

   02.11.2022-ci il tarixində D.Cəbrayılov adına 119 nömrəli tam orta məktəbin Uşaq Birliyi Təşkilatı Rəhbəri Lətifə Əliyeva tərəfindən  Uşaq hüquqları aylığı çərçivəsində “Mənim hüquqlarım” adlı təqdimat müsabiqəsi keçirildi.Təqdimatın keçirilməsində əsas məqsəd uşaqlara diqqət və qayğının təşviq edilməsi, onlara qarşı pis rəftarın və zorakılığın qarşısının alınması, bu sahədə məlumatlılığın artırılması, uşaq hüquqlarının səmərəli müdafiəsi və təbliğinə nail olmaqdır.

Uşaqların hazırladıqları təqdimatlar münsiflər heyəti tərəfindən qiymətləndirildi. Müsabiqədə I yerə VII^A sinif şagirdi Müzəffərzadə Gülayə,II yerə V^A sinif şagirdi İbrahimova Məlahət,III yerə V^A sinif şagirdi Rəhmanova Nərmin layiq görüldülər. Məktəb rəhbərliyi fərqlənən şagirdlərə diplom və tərifnamə  təqdim etdilər.