27 Sentyabr "Anım Günü"nə həsr olunmuş-Dəyirmi masa
27 Sentyabr 2022-ci il tarixində D.Cəbrayılov adına 119 nömrəli tam orta məktəbin müəllimi Müzəffərzadə Mehriban tərəfindən IX “C” sinif şagirdlərinin iştirakı ilə 27 Sentyabr-Anım Gününə həsr olunmuş “Dəyirmi masa” keçirildi. “Dəyirmi masa”nın keçirilməsinin əsas məqsədi məktəbliləri Vətənə məhəbbət ruhunda tərbiyə etmək, onlarda vətənpərvərlik, xalqa, torpağa bağlılıq hissini gücləndirmək, II Qarabağ Müharibəsi haqqında şagirdləri məlumatlandırmaq, tariximizi yaşatmaqdan ibarət olub.
“Dəyirmi masa” şəhidlərin ruhunun bir dəqiqəlik sükutla yad edilməsilə başladı.
Müəllim II Qarabağ müharibəsi, Azərbaycanın müstəqilliyi və ərazi bütövlüyü uğrunda qəhrəmanlıq göstərmiş Vətən övladlarının döyüş yolu haqqında geniş məlumat verdi.
Sonda şagirdlər şəhidlərə həsr olunmuş şeirlər söylədilər.
