“YAY MƏKTƏBİ” ÇƏRÇİVƏSİNDƏ EKSKURSİYA
26 iyun 2022-ci il tarixində “Yay məktəbi” çərçivəsində ekskursiya təşkil edildi.
Ekskursiya çərçivəsində məktəblilər “Qala” Arxeoloji-Etnoqrafik Muzey Kompleksinə səfər etdilər. Məktəblilər üçün ekskursiyaların təşkil olunmasında əsas məqsəd şagirdlərin dünyagörüşünü, bilik və bacarıqlarını daha da inkişaf etdirmək, uşaqlara milli-mənəvi dəyərlərimizə hörmət hissi aşılamaq, tarixi abidələrimiz haqqında ətraflı məlumatları çatdırmaqdan ibarətdir
Muzeylərə ekskursiya zamanı məktəblilər eramızdan əvvəl III-II minilliklərdən orta əsrlərə qədər dövrü əhatə edən qayaüstü rəsmlər, Qaval daşı, keramika, məişət və bəzək əşyaları, silah və sikkələr, qədim yaşayış kompleksinin konservasiya olunmuş qalıqları, xalçaçılıq, qədim zamanlarda yaşamış insanların həyat tərzi, onların gündəlik və döyüş geyimləri ilə yaxından tanış oldular.
“Qala” Arxeoloji-Etnoqrafik Muzey Kompleksinə səfər edən xarici turistlər şagirdlərimizlə həmsöhbət olub və xatirə şəkli çəkdiriblər.
