"1 İyun Uşaqların Beynəlxalq Müdafiəsi Günü" ilə bağlı tədbir keçirildi.
1 iyun 2022-ci il tarixində D.Cəbrayılov adına 119 nömrəli tam orta məktəbdə “1 İyun Uşaqların Beynəlxalq Müdafiəsi Günü” münasibətilə ibtidai siniflərin şagirdləri ilə tədbir keçirildi. Bayram tədbirində ilk olaraq məktəbin direktoru Mətanət Mayılova çıxış edərək şagirdləri bayram münasibətilə təbrik etdi, bildirdi ki, ölkəmizdə uşaqlara xüsusi məhəbbət, diqqət və qayğı vardır. Uşaqların Vətənə layiqli vətəndaşlar kimi böyüməsi, cəmiyyətdə sağlam mövqe tutması üçün Azərbaycan dövləti hər cür şərait yaratmışdır. Azərbaycan Respublikasının Prezidenti cənab İlham Əliyevin uşaq hüquqlarının müdafiəsi sahəsində atdığı addımlar xalqımızın övladlarının taleyində əhəmiyyətli rol oynadığına zəmanət verir.
Tədbirdə uşaqlar dünya xalqlarının mahnı və rəqslərini ifa etdilər, şeirlər söylədilər, xalq nağıllarından səhnəciklər nümayiş etdirdilər
