"Öndərimizin qoyduğu iz ilə" şüarı altında bilik yarışı
10 may 2022-ci il tarixində D.Cəbrayılov adına 119 nömrəli tam orta məktəbin 5-ci sinif şagirdləri arasında məktəbin azərbaycan dili və ədəbiyyat müəllimi Muradova Nərgizin təşkilatçılığı ilə ulu öndər Heydər Əliyevin anadan olmasının 99-cu ildönümünə həsr olunmuş "Öndərimizin qoyduğu iz ilə" şüarı altında bilik yarışı keçirilmişdir. Yarışa başlamazdan əvvəl ümumilli lider Heydər Əliyevin əziz xatirəsi bir dəqiqəlik sükutla yad edilib. Nərgiz müəllimə yarışın mahiyyəti və Heydər Əliyevin təhsilimiz haqqında düşüncələri haqqında şagirdləri məlumatlandırıb. Öz sinfini təmsil edən şagirdlər komanda halında təqdim edilib. Püşkatma yolu ilə rəqib olan komandalar seçilib. Yarışda azərbaycan dili və ədəbiyyat fənni üzrə, eləcə də 44 günlük müharibə haqqında suallar səsləndirilib, dinləmə mətnləri, digər fənlərlə inteqrasiya olunmuş müxtəlif suallar təqdim olunub.
Komandalar arasında 5B sinfi yüksək bal toplayaraq birinci yerə, 5Ç sinfi isə ikinci yerə layiq görülüb. Qalib komanda üzvlərinə , həmçinin ikinci pillənin sahiblərinə müxtəlif mükafatlar təqdim olunub
