"Cırtdanın Novruz sərgüzəştləri" adlı tədbir
18.03.2022-ci il tarixində D.Cəbrayılov adına 119 nömrəli tam orta məktəbin akt zalında "Bahar çələngi" layihəsinin tədbirlər planına əsasən “Cırtdanın Novruz sərgüzəştləri” adlı bayram tədbiri keçirildi. Müxtəlif maraqlı səhnəcik və çıxışların olduğu tədbirdə səhnə Novruz atributları, milli-qədimi əşyalar və istedadlı şagirdlərin əl işləri ilə bəzədilmişdi. Şagirdlərin bir-birindən gözəl rəqsləri, ifa etdikləri mahnılar, səsləndirdikləri şeirlər, mənəvi dəyərlərimizin əks olunduğu tamaşalar, Novruz adətlərinin səhnələşdirilməsi, kosa və keçəlin maraqlı və məzəli çıxışları, aparıcıların dolğun məlumatları akt zalında toplaşan müəllim və şagirdlər tərəfindən olduqca böyük maraq və zövqlə izlənildi.
Yekunda çıxış edən direktor Mətanət Mayılova tədbir iştirakçılarını və tədbiri izləyənləri qarşıdan gələn birlik, həmrəylik, bərəkət bayramı olan Novruz münasibətilə təbrik edib və bayramı qalibiyyət ruhunda qeyd etməyimizdən məmnunluğunu bildirib.
