1 Mart Ümumdünya Mülki Müdafiə Günü
1 Mart 2022-ci il tarixində D.Cəbrayılov adına 119 nömrəli tam orta məktəbin M.M rəisi M.Mayılova, qərargah rəisi Y.Quliyeva, hərbi rəhbəri Firdovsi Hüseynov və yuxarı sinif şagirdlərinin iştirakı ilə 1 Mart Ümumdünya Mülki Müdafiə Gününə həsr olunmuş maarifləndirici məşğələ keçirildi. Hərbi rəhbər təbii və texniki fəlakətlər zamanı özünü necə müdafiə etmələri haqqında məlumat verdi, o, qeyd etdi ki,fövqəladə hadisələrin baş verməsi təhlükəsinin vaxtında qarşısını almaq hər birimizin üzərinə düşən vəzifə işidir. Eyni zamanda baş vermiş hər hansı bir fövqəladə hadisə zamanı da ilkin tədbirlərin görülməsi barədə hamımız bilik və bacarıqlara malik olmalıyıq.
Daha sonra yanğın zamanı təxliyyə prosesində şagirdlərin etməli olduğu rəftar və davranış qaydaları barədə məlumat verildi, fərdi mühafizə vasitələrinin əyani şəkildə necə istifadə olunduğunu göstərildi.
Sonda şagirdləri maraqlandıran suallar hərbi rəhbər tərəfindən cavablandırıldı.
