YADDAŞLARDAN SİLİNMƏZ QƏHRƏMAN
7 fevral 2022-ci il tarixində D.Cəbrayılov adına 119 nömrəli tam orta məktəbin ibtidai sinif müəllimi Zərnişan Əliyeva rəhbəri olduğu 3A sinif şagirdləri ilə Azərbaycanın Milli Qəhrəmanı Mübariz İbrahimovun doğum gününü qeyd etdilər. İlk olaraq Mübariz İbrahimovun əziz xatirəsi ehtiramla yad edildi. Zərnişan Əliyeva milli qəhrəmanın həyatı və keçdiyi döyüş yolundan söhbət açaraq, Azərbaycanın tarixən öz qəhrəmanları ilə seçildiyini, doğum günü qeyd edilən Mübariz İbrahimovun da qanında-canında qəhrəmanlıq, mübarizlik hissi olduğunu bildirdi. Öz şücaəti ilə ömrünün gənclik çağında tarixə və gənc nəslin qəlbinə adını yazmış qəhrəmanın ölməzlik qazandığı, ölçüyəgəlməz vətən sevgisinin onu şəhidlik zirvəsinə ucaltdığını diqqətə çatdırdı. Bu igid gizirin göstərdiyi rəşadətin ölkə Prezidenti, Ali Baş Komandan İlham Əliyev tərəfindən yüksək dəyərləndirildiyi, ölkəmizin müstəqilliyinin və ərazi bütövlüyünün qorunub saxlanılmasında müstəsna xidmətlərinə görə Milli Qəhrəman adına layiq görüldüyünü vurğuladı.
Sonda şagirdlər şəhid haqqında şeirlər səsləndirdlər, mahnılar ifa etdilər.
