"20 YANVAR-MİLLİ QÜRUR GÜNÜ"
19 Yanvar 2022-ci il tarixində D.Cəbrayılov adına 119 nömrəli tam orta məktəbdə 20 Yanvar faciəsinə həsr olunmuş “20 Yanvar-Milli qürur günü” adlı ədəbi-bədii kompozisiya keçirildi. Tədbir Dövlət Himninin səsləndirilməsi ilə başlandı. “20 Yanvar” şəhidlərimizin xatirəsi bir dəqiqəlik sükutla yad edildi. Daha sonra şagirdlər 20 Yanvar faciəsinin tarixi barədə məruzə ilə çıxış etdilər. Məruzədə həmin dəhşətli gecədə Vətən uğrunda canlarından keçən oğul, qızlarımızın qəhrəmalığından danışıldı. Məhz bu əzmin iradənin sayəsində xalqımız milli azadlığına qovuşdu.Azərbaycan xalqının yenilməzliyi, qəhrəmanlığı, azadlığı uğrunda mübarizə əzmi bütün dünyaya bəyan edildi.
Tədbirdə IX-XI sinif şagirdlərinin ifasında həmin gecəni əks etdirən səhnəciklər nümayiş olundu, şeirlər səsləndirildi.
