20 Yanvar faciəsinin otuz ikinci ildönümünə həsr olunan xüsusi dərslər
20 Yanvar faciəsinin otuz ikinci ildönümü ilə əlaqədar tədbirlərin təşkili ilə bağlı BŞTİ-nin 14.01.2022-ci il tarixli F-07 nömrəli əmrinin icrasını təmin etmək məqsədilə 19 yanvar 2022-ci il tarixində D.Cəbrayılov adına 119 nömrəli tam orta məktəbdə xüsusi dərslər keçirildi. Dərslərdə ilk olaraq “20 Yanvar” şəhidlərinin xatirəsi bir dəqiqəlik sükutla yad edildi. Dərslərin keçirilməsində məqsəd şagirdlərdə vətənpərvərlik hissini gücləndirmək, onlara xalqımızın başına gətirilən müsibətlərlə tanış etməkdən ibarət oldu.
Dərslərdə müəllimlər 1990-cı il yanvar hadisələrinə həsr olunmuş video süjetlər göstərdilər, şagirdlərin tarixi faciəyə aid hazırladıqları rəsm əsərləri nümayiş olundu.
