"ZƏFƏRİN MÜBARƏK, AZƏRBAYCAN"!
Azərbaycan Respublikası Təhsil nazirinin 07.09.2021-ci il tarixli F-429 № li əmri ilə təsdiq edilmiş “Tədbirlər Planı” na əsasən “ Zəfər günü” ilə bağlı D.Cəbrayılov adına 119 nömrəli tam orta məktəbdə tədbir keçirildi.Tədbir Azərbaycan Respublikasının himninin səsləndirilməsi ilə açıq elan edildi,daha sonra ölkəmizin ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi 1 dəqiqəlik sükutla yad edildi.
Tədbirdə məktəbin direktoru Mətanət Mayılova çıxış edərək, Azərbaycan xalqının əzmi və iradəsinin, iqtisadi gücünün, müasir ordu quruculuğunun və xalq-iqtidar birliyinin ölkəmizin qələbəsini təmin edən mühüm amillər olduğunu, ulu əcdadlarımızın zəngin dövlətçilik və hərb tarixindən ilhamlanan Azərbaycan xalqının daha bir şanlı qəhrəmanlıq salnaməsi yazaraq, özünün qalib xalq olduğunu bütün dünyaya sübut etdiyini və düşmən üzərində tarixi zəfər çaldığını vurğuladı.
Tədbir şagirdlərin hazırladıqları şeir, mahnı və kompozisiyalarla davam etdi.
