20 YANVARA həsr olunmuş xüsusi dərslər
Bakı Şəhəri üzrə Təhsil İdarəsinin 30.12.2019-cu il tarixli “20 Yanvar faciəsinin otuzuncu ildönümü ilə bağlı Tədbirlər Planı”nın təsdiq edilməsi barədə F-529 nömrəli əmrinə, məktəbin illik Fəaliyyət Planına müvafiq olaraq 17 yanvar 2020-ci il tarixində D.Cəbrayılov adına 119 nömrəli tam orta məktəbdə ilk dərs saatı 20 Yanvar faciəsinin otuzuncu ildönümünə həsr edildi. Dərslərdə ilk olaraq Azərbaycan xalqının azadlığı uğrunda canlarını qurban vermiş qəhrəman Vətən övladlarının xatirəsi bir dəqiqəlik sükutla yad edildi.
Dərsləri tədris edən müəllimlər Azərbaycanın azadlığı uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə məlumat verdilər. Eləcə də, 20 Yanvar hadisələrinin nəticələrindən, şəhid kimi əbədiyyətə qovuşan Vətən övladlarının şücaətindən bəhs edildi.
