"Yaşa Azərbaycan"
Bu gün məktəbimizdə Azərbaycan Respublikasının "Müstəqillik günü" nün 28-ci il dönümünə həsr olunmuş "Yaşa Azərbaycan " adlı tədbir keçirildi. Məktəbin tarix müəllimi Günel Orucovanın rəhbərliyi ilə keçirilən tədbir məktəbin həyətində təşkil edilmişdir. İstedadlı şagirdlərin ifasında müstəqilliyimizi tərənnüm edən mahnı və şeirlər, gözəl rəqslər, musiqi alətlərində maraqlı ifalar dinlənildikdən sonra məktəb rəhbərliyi şagird kollektivini təbrik edərək çıxış etmişdir. Xor dərnək üzvlərinin ifasında səslənən "Yaşa mənim xalqım" adlı mahnı ilə tədbir sonlandırılmışdır.
