116 №-li tam orta məktəb

Sevda Əliyeva Şuryan
Direktor

Vüqar Kərimov Zəkulla
Təlim-tərbiyə işləri üzrə direktor müavini

Vüqar Kərimov Zəkulla
Vəzifə: Təlim-tərbiyə işləri üzrə direktor müavini
Fənn: Riyaziyyat
Bitirdiyi təhsil müəssisəsi: Azərbaycan Dövlət Pedaqoji Universiteti
Təvəllüd: 15.12.1984
İlk fəaliyyət ili: 15.09.2006
E-mail: [email protected]

Kərimov Vüqar Zəkulla oğlu 1984-cü il dekabr ayının 15-də Saatlı rayonunun Gomuşçu kəndində anadan olmuşdur. 1991-ci ildə Q.Abduloğlu adına Gomuşçu kənd tam orta məktəbinə daxil olmuş, 2002-ci ildə həmin məktəbi bitirmişdir. 2002-ci ildə ADPU-nun riyaziyyat fakültəsinə daxil olmuş, 2006-cı ildə həmin universiteti riyaziyyat ixtisası üzrə bitirmişdir. 2006-2007-ci illərdə Qafqaz Gimnaziyasında riyaziyyat müəllimi vəzifəsində çalışmışdır. 2008-2010-cu illərdə ADPU-da RTM ixtisası üzrə magistr təhsilini fərqlənmə diplomu ilə başa vurmuşdur. 2007-2019-cu illərdə Bakı Atatürk Liseyində riyaziyyat müəllimi işləmişdir. Həmin illərdə metodbirləşməyə sədrlik etmişdir. 2018-ci ildə Xəzər Universitetində "Potensial Məktəb Direktorları" təlim kursunu bitirmişdir. 2019-cu ildə DİM-in “markerlik” kursunu müvəffəqiyyətlə başa vurub sertifikat əldə etmiş və DİM-də marker kimi fəaliyyət göstərmişdir. 2019-2022-ci illərdə ADPU-da Riyazi analiz kafedrasının "Diferensial tənliklər" ixtisası üzrə əyani doktorantı olmuş və riyaziyyat üzrə fəlsəfə doktoru proqramını bitirmişdir. Azərbaycanda və xarici ölkələrdə çap olunmuş 20-yə yaxın məqalənin müəllifidir. 2021-ci ilin oktyabr ayının 14-dən 2022-ci ilin oktyabr ayının 3-nə qədər 147 №-li Texniki-Humanitar Liseydə riyaziyyat müəllimi vəzifəsində çalışmışdır. 2022-ci ilin oktyabr ayının 4-də 116 №-li tam orta məktəbə təlim-tərbiyə işləri üzrə direktor müavini təyin edilmişdir. Həmin ilin oktyabrın 11-dən 7 fevral 2023-cü ilə qədər direktor vəzifəsini müvəqqəti icra edib. Ailəlidir, 2 övladı var.

Günay Rəhimova Abbasəli
Təlim-tərbiyə işləri üzrə direktor müavini

Günay Dəmirova Eyvaz
Məktəbdənkənar və sinifdənxaric tərbiyə işi üzrə təşkilatçı

Günay Dəmirova Eyvaz
Vəzifə: Məktəbdənkənar və sinifdənxaric tərbiyə işi üzrə təşkilatçı
Fənn: —
Bitirdiyi təhsil müəssisəsi: Azərbaycan Dövlət Pedaqoji Universiteti, Tarix müəllimliyi (bakalavr), Pedaqogika nəzəriyyəsi və tarixi (magistr)
Təvəllüd: 13.03.1993
İlk fəaliyyət ili: 01.03.2018
E-mail: [email protected]

Dəmirova Günay Eyvaz qızı 1993-cü il mart ayının 13-də Bakı şəhərində anadan olub. 1999-cu ildə Bakı şəhəri Xətai rayonu M.Hacıyev adına 116 nömrəli tam orta məktəbə daxil olub, 2010-cu ilə qədər həmin məktəbdə təhsil alıb. 2010-cu ildə həmin məktəbi bitirib Azərbaycan Dövlət Pedaqoji Universitetinin Tarix fakültəsinin Tarix müəllimliyi ixtisasına qəbul olub. 2014-cü ildə həmin ixtisası bitirib bakalavr ali peşə-ixtisas dərəcəsi alıb. 2015-ci ildə Azərbaycan Dövlət Pedaqoji Universitetinin Magistratura və Doktorantura şöbəsinin Pedaqogika ixtisasının Pedaqogika nəzəriyyəsi və tarixi ixtisaslaşmasına qəbul olub. 2017-ci ildə həmin ixtisaslaşmanı bitirib magistr elmi-ixtisas dərəcəsi alıb. 2018-ci ilin mart ayının 1-dən 2021-ci ilin sentyabr ayının 23-nə qədər Xətai rayonu Z.Məmmədov adına 171 nömrəli tam orta məktəbdə Uşaq Birliyi Təşkilatı Rəhbəri vəzifəsində çalışıb. 2019-cu ilin 15-18 mart tarixlərində "Ölkəmizi tanıyaq–Naxçıvan" tur-aksiyasında müəllim qismində iştirak edib. 2019-cu il dekabrın 23-də keçirilən beşinci bələdiyyə seçkilərində Yeni Azərbaycan Partiyası (YAP) tərəfindən namizədliyi irəli sürülmüş və seçkilərdə qalib gələrək Xətai rayon Xətai bələdiyyəsinin üzvü seçilib. Hal-hazırda Xətai rayon Xətai bələdiyyəsində “Sosial-Ekologiya məsələləri üzrə daimi komissiya”nın və “Gender bərabərliyi” komissiyasının sədr müavini vəzifəsində çalışır. 2020-2021-ci tədris ilində “Rəqəmsal bacarıqlar” layihəsində müəllim vəzifəsini icra edib. 24 sentyabr 2021-ci il tarixindən Xətai rayonu M.Hacıyev adına 116 nömrəli tam orta məktəbdə Tərbiyə İşləri üzrə Direktor Müavini vəzifəsində çalışır.