116 №-li tam orta məktəb

• Anar Hüseynzadə Mahir
• Sinif: 5ç
• Bölmə: Azərbaycan

Riyaziyyat Liqası ABŞ, Kanada və digər ölkələrdə ibtidai, orta və tam orta məktəb şagirdləri üçün keçirilən riyaziyyat yarışıdır. Riyaziyyat Liqası 1977-ci ildə iki orta məktəb riyaziyyat müəllimi, Steven R. Conrad və Daniel Flegler tərəfindən yaradılmışdır. Bu riyaziyyat yarışı dünyanın bir çox ölkələrində keçirilir. Şagirdimiz Hüseynzadə Anar Mahir oğlu bu liqada iştirak etmiş və 5-ci sinif şagirdləri arasında üzrə ən yüksək nəticə göstərərək 1-ci yerin qalibi olmuşdur. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Anar Hüseynzadə Mahir
• Sinif: 5ç
• Bölmə: Azərbaycan

Copernicus Olympiad, 2019-cu ildə qurulmuş və məşhur Polşalı alim Nikola Kopernikin adını daşıyan bir beynəlxalq təhsil yarışmasıdır. 3-cü sinifdən 11-ci sinifə qədər olan şagirdlərə açıq olan bu olimpiad, 54 ölkədən iştirakçıları ilə beynəlxalq əməkdaşlıq və zehni güclərin birləşdiyi böyük platformadır. Məktəbin 5ç sinif şagirdi Hüseynzadə Anar Mahir oğlu bu yarışmada Riyaziyyat üzrə öz biliyini nümayiş etdirdi. Yarışma 2 turdan ibarətdir: seçim və final turu. Final turu Amerikanın paytaxtı Nyu Yorkdakı Kolumbiya Universitetində təşkil olacaq. Şagirdimiz 14 - 18 iyul 2024-ci ildə keçiriləcək final mərhələsinə vəsiqə qazanmışdır.

• Osman Mahmud Xəyal
• Sinif: 6ç
• Bölmə: Azərbaycan

AMO Amerika Riyaziyyat Olimpiadasının keçirilməsində məqsəd şagirdlərə riyaziyyatla bağlı əsas strategiyaları öyrətmək, məsələlərin sürətli həlli ilə bağlı diqqətlərinin artırılması və Amerikada təqaüdlü təhsil imkanı yaratmaqdır. Amerika Riyaziyyat Olimpiadası (AMO) SIMCC və Cənubi İllinoys Universitetinin (SIU) birgə təşkil etdiyi beynəlxalq riyaziyyat müsabiqəsidir. Bu olimpiada riyaziyyatın əhəmiyyətini və daha dərindən dərk edilməsini təşviq edir. Ən böyük üstünlüklərindən bəziləri şagirdlərin universitet təhsilləri zamanı təqaüd almalarına şərait yaratmaq, Global Scholars Programına və International Junior Honor Society (IJHS)-yə üzvlük qazanma imkanı verməsidir. Bu olimpiada 2-11-ci siniflər arasında hər il sentyabr- oktyabr aylarında keçirilir. Qızıl, gümüş, bürünc medal qazanan şagirdlər hər il iyul ayında keçirilən SIMOC-Sinqapur Beynəlxalq Riyaziyyat Olimpiadasına, qızıl və gümüş medalçılar isə, eyni zamanda, hər il dekabr ayında keçirilən STEAM AHEAD olimpiadasına vəsiqə qazanaraq ölkəmizi qlobalda təmsil etmək fürsəti əldə edir. Məktəbin 6ç sinif şagirdi Mahmud Osman Xəyal oğlu bu müsabiqədə qalib gələrək gümüş medal qazanmışdır. Şagirdimizi bu uğuru münasibətilə pedaqoji və şagird kollektivi adından ürəkdən təbrik edirik.

• Kövsər Qurban Orxan
• Sinif: 4ç
• Bölmə: Azərbaycan

Məktəbin 4"ç" sinif şagirdi Kövsər Qurban Orxan qızı “Dostluğun sehri” VI Beynəlxalq Onlayn Uşaq Rəsm Müsabiqəsinin qalibi oldu! Azərbaycan Respublikası Elm və Təhsil Nazirliyi-nin dəstəyi, Azərbaycan Rəssamlar İttifaqıı-nın və Azərbaycan Dövlət Rəssamlıq Akademiyası-nın tərəfdaşlığı və Bakı şəhəri “3 nömrəli Uşaq-Gənclər İnkişaf Mərkəzi” Publik Hüquqi Şəxsinin təşkilatçılığı ilə 29 fevral 2024-cü il tarixində “Ölkəmin abidələri” mövzusunda “Dostluğun sehri” adlı VI Beynəlxalq Uşaq Rəsm Müsabiqəsinin yekun tədbiri keçirildi. Müsabiqəyə Azərbaycan və dünyanın 12 ölkəsinin 103 məktəb, müəssisə və təşkilatlarından 1200-dən artıq uşaq qatılmış, 1208 rəsm işi təqdim olunmuşdur. Azərbaycanın xalq rəssamları və peşəkar mütəxəssislərdən təşkil olunan münsiflər heyəti tərəfindən Kövsər Qurban 6-9 yaş kateqoriyasında Azərbaycandan yeganə 1-ci Yer Qalibi seçilmiş, Beynəlxalq Sertifikat, Qızıl və Bürünc Medal və Kataloqla təltif edilmişdir. “Ölkəmin abidələri” mövzusunda keçilirən yekun tədbirdə müsabiqəyə qatılan uşaqların qalib rəsm işlərinin sərgisi təşkil olundu və təltifetmə mərasimi keçirildi. Tədbirdə Azərbaycan Respublikası Elm və Təhsil Nazirliyi, Məktəbəqədər və Ümumi Təhsil üzrə Dövlət Agentliyi, Bakı Şəhəri üzrə Təhsil İdarəsi, Azərbaycan Rəssamlar Ittifaqi, Azərbaycan Dövlət Rəssamlıq Akademiyası və qalib uşaqların təmsil etdikləri ölkələrin – Türkiyənin Azərbaycandakı Səfirliyi, Çin Xalq Respublikası, Qətər Dövləti, Latviya Respublikası, Qazaxıstan Respublikası, Gürcüstan Respublikası, Misir Ərəb Respublikası, Türkmənistan, İordaniya Haşimilər Krallığı və Moldova Respublikasının ölkəmizdə fəaliyyət göstərən səfirliklərinin nümayəndələri iştirak etdi.

• Anar Hüseynzadə Mahir
• Sinif: 5ç
• Bölmə: Azərbaycan

“FiSO" olimpiadası (Future Intelligence Students Olympiad”(FISO) tərcümə (Gələcəyin Zəka Tələbələri olimpiadası) şagirdlərin Riyaziyyat, İngilis, Məntiq, Kimiya, Fizika, Biologiya və İncəsənət kimi müxtəlif sahələrdə bilik və bacarıqlarını sınayıb inkişaf etdirmələri üçün nəzərdə tutulmuş beynəlxalq bir yarışmadır. Şagirdimiz Hüseynzadə Anar Mahir oğlu bu yarışmada Riyaziyyat kateqariyasında mübarizəyə qoşuldu. Yarışma 21 yanvar 2024-cü ildə keçirilmişdir. Maksimum bal 100 bal olan yarışmada şagirdimiz 85 bal toplayaraq bürünc medala layiq görüldü. Qeyd edək ki, bu nəticə ilə şagirdimiz B.Ə.Ə paytaxtı Dubayda final mərhələsinə vəsiqə qazanmış oldu.

• Kövsər Qurban Orxan
• Sinif: 4ç
• Bölmə: Azərbaycan

Məktəbin 4"ç" sinif şagirdi Kövsər Qurban Orxan qızı Çin Respublikasının Təhsil qurumu ChineseBridge -in təşkil etdiyi "Mid-Autumn Festival" 1-ci Beynəlxalq Professional Xəttatlıq və Rəssamlıq Müsabiqəsində iştirak edərək professional münsiflərdən 10mindən çox (10.107) səs toplayaraq "Online Popularity" kateqoriyasında qalib gəlmişdir. Müsabiqəyə qatılmaq üçün əsas şərtlərdən biri çəkdiyin rəsmi Çin dilində ifadə etmək idi. Kövsər Çin dilində çəkdiyi rəsm haqqında danışmış və rəsmini Azərbaycan-Çin Dostluğuna həsr etdiyini ifadə etmişdir. Mükafat: Beynəlxalq Sertifikat və Professional Çin Xəttatlıq Dəsti idi. Kövsər Qurban eyni rəsmi ilə 6 sentyabr 2023-cü ildə ŞƏT- Beynəlxalq Şanxay Əməkdaşlıq Təşkilatı ölkələrindən olan uşaqların Qansu əyalətinin Dunxuanq şəhərində "İncəsənətlə görüş - Uşaqların Qəlbində Böyük İpək Yolu" sərgisinə qatılmışdır. Sərgi ŞƏT-in Yaxşı Qonşuluq, Dostluq və Əməkdaşlıq üzrə Çin Komitəsi, Çin Beynəlxalq Mədəniyyət Assosiasiyası və Çin Mərkəzi Rəssamlıq Akademiyası tərəfindən təşkil olunub. ŞƏT baş katibinin müavini N.S. Niyazəliyev açılış mərasimində çıxış edib. Kövsərin çəkdiyi Rəsm bu sərgidə yüksək qiymətləndirilmiş, Beynəlxalq Sertifikata layiq görülmüş və çoxsaylı KİV paylaşımlarında yer almışdır.

• Kövsər Qurban Orxan
• Sinif: 4ç
• Bölmə: Azərbaycan

Məktəbin 4"ç" sinif şagirdi Kövsər Qurban Orxan qızı ABŞ-ın Peace Pals International qurumu ilə Yaponiyanın Goi Fondunun birlikdə təşkil etdikləri "Birlik" mövzulu 26-cı Beynəlxalq Sülh Dostları Sərgi-Müsabiqəsində (Peace Pals İnternational Exhibition & Awards) qalib olub. Dünyanın 76 ölkəsindən qatılan 4500 iştirakçı içində Kövsər 8-10 yaş kateqoriyası üzrə qalib seçilib. Azərbaycandan isə yeganə qalibdir.

• Anar Hüseynzadə Mahir
• Sinif: 5ç
• Bölmə: Azərbaycan

İMEC riyaziyyat olimpiadası dünyanın müxtəlif ölkələrində təşkil olunur. Bu beynəlxalq riyaziyyat olimpiadası gənc riyaziyyat sevənləri bir araya toplayır. Ötən il Böyük Britaniyada 38 ölkənin gənc riyaziyyatçıları bir araya yığışmışdılar. Ölkəmiz 1-ci yerə layiq görülmüşdü. Bu il mart ayında ölkəmiz yarışmaya ev sahibi olacaq. 38 ölkənin riyaziyyatçıları paytaxtımızda biliklərini yoxlayacaqlar. Dekabr ayının 23-də İMEC olimpiadası keçirildi. 1273 şagird olimpiadada iştirak etdi. Məktəbin 5ç sinif şagirdi Hüseynzadə Anar Mahir oğlu isə bu olimpiadada 3-cü yerin qalibi oldu, diplom və medalla təltif edildi.

• Kövsər Qurban Orxan
• Sinif: 4ç
• Bölmə: Azərbaycan

Məktəbin 4ç sinif şagirdi Kövsər Qurban Orxan qızı İspaniyada təşkil edilən Beynəlxalq "WORLD Art Games" Festivalında Fortepianoda solo ifa üzrə 1-ci Yerin Qalibi oldu və İspaniyada keçirilən Sea Sun Festivalında iştirak etmək hüququ qazandı. İspaniya, Fransa, İtaliya, Çin, ABŞ və digər ölkələrdən olan 27 nəfərlik Dünyaca məşhur musiqiçi münsif heyəti tərəfindən dünya üzrə Birinciliyə layiq görüldü.

• Rafael Mustafayev Elşən
• Sinif: 4d
• Bölmə: Azərbaycan

Məktəbin 4d sinif şagirdi Mustafayev Rafael Elşən oğlu “1-ci BEYNƏLXALQ KUBOK, FULL CONTACT KARATE - WFKU, GRAND PRIX SEIKYOKUSHIN 2023” Dünya Çempionatının 1-ci mərhələsində uğurla iştirak edib. Bu yarışda Azərbaycan, Ukrayna, Latviya, Estoniya, Pakistan, İsrail, ABŞ, Polşa, Avstriya, Macaristan, Almaniya, Bolqarıstan dövlətlərindən nümayəndələr iştirak edirdi. Yarışın təşkilatçısı WFKU təşkilatı idi. 10-11 yaş, 30 kq çəki dərəcəsində mübarizə qatılan Rafael Mustafayevin 1-ci rəqibi Ukraynalı, 2-ci rəqibi Almaniyalı idi. Yarış Polşanın Siedlce şəhərində baş tutub. Şagirdimiz bu möhtəşəm yarışda I yerin qalibi olaraq diplom, medal və kubokla mükafatlandırılmışdır. Biz də məktəbin rəhbərliyi və müəllim kollektivi olaraq öz növbəmizdə qalib şagirdimizi bu yarışda qazandığı uğurları münasibətilə ürəkdən təbrik edir və ona daha böyük uğurlara imza atmasını, məktəbimizin idman şərəfini daha uca zirvələrə qaldırmasını arzu edirik!

• Məhəmməd Əsədli Elxan
• Sinif: 8a
• Bölmə: Azərbaycan

Məktəbin 8a sinif şagirdi Əsədli Məhəmməd Elxan oğlu Zəfər kurslarının Kimya-biologiya təmayüllü Respublika Liseyində təşkil etdiyi İngiltərə Riyaziyyat Olimpiadasında (Beyin Olimpiada Mərkəzi - 2023) iştirak etmiş və qızıl medal qazanmışdır. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Fidan Abdullayeva Rauf
• Sinif: 6d
• Bölmə: Azərbaycan

Məktəbin ingilis dili müəllimi Nərmin Əhmədovanın rəhbərliyi ilə 6d sinif şagirdi Abdullayeva Fidan Sankt-Peterburq şəhərində keçirilən "Uğura addım" adlı məktəblilərın X elmi-praktik beynəlxalq konferensiyaya video zəng ilə qoşulmuşdur. Şagirdimiz "Welcome to Azerbaijan - The Land of Fire" adlı təqdimat ilə çıxış etmiş və diplomla təltif olunmuşdur. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Vaqif Hacıyev Fikrət
• Sinif: 9c
• Bölmə: Azərbaycan

Məktəbin 9c sinif şagirdi Hacıyev Vaqif Fikrət oğlu Rumıniyada keçirilən “DRACULA OPEN - Arad 2023” Beynəlxalq Boks Turnirində III yerin qalibi olmuşdur. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Kövsər Qurban Orxan
• Sinif: 3ç
• Bölmə: Azərbaycan

Məktəbin 3ç sinif şagirdi Kövsər Qurban Orxan qızı ABŞ-ın Beynəlxalq FİSO (Future İntelligence Students Olympiad) İngilis dili Olimpiadasında Bürünc Medal və Beynəlxalq Sertifikatla təltif edilmiş, Amerikada keçiriləcək Final Mərhələsinə vəsiqə qazanmışdır. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Kövsər Qurban Orxan
• Sinif: 3ç
• Bölmə: Azərbaycan

Məktəbin 3ç sinif şagirdi Kövsər Qurban Orxan qızı dünyanın 23 ölkəsində keçirilən ABŞ-ın ən prestijli Beynəlxalq Kopernik Riyaziyyat Olimpiadasının Local Roundunda Bürünc Medal, Beynəlxalq Sertifikat və ABŞ-da keçiriləcək Final mərhələsinə vəsiqə qazanmışdır. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Məhəmməd Əsədli Elxan
• Sinif: 8a
• Bölmə: Azərbaycan

Məktəbin 8a sinif şagirdi Əsədli Məhəmməd Elxan oğlu dünyanın 23 ölkəsində keçirilən ABŞ-ın ən prestijli Beynəlxalq Kopernik Riyaziyyat Olimpiadasının Local Roundunda Bürünc Medal, Beynəlxalq Sertifikat və ABŞ-da keçiriləcək Final mərhələsinə vəsiqə qazanmışdır. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Kövsər Qurban Orxan
• Sinif: 2ç
• Bölmə: Azərbaycan

Məktəbin 2ç sinif şagirdi Qurban Kövsər Orxan qızı “BİR MİLLƏT, İKİ DÖVLƏT!” adlı beynəlxalq rəsm müsabiqəsində 6-9 yaş qrupu üzrə I yerə layiq görülmüşdür. Şagirdimizi bu münasibətlə məktəb rəhbərliyi, pedaqoji kollektiv adından təbrik edir, uğurlarının daimi olmasını arzulayırıq.

• Zəhra Zeynalova İlham
• Sinif: 10a
• Bölmə: Azərbaycan

"LEAD EDUCATİON Təhsil və İnkişaf Mərkəzi”nin təşkil etdiyi TIMO - Thailand International Math Olympiads "Tailand Beynəlxalq Riyaziyyat Olimpiadası"nın Bakı Gənclər Mərkəzində təltifetmə mərasimi keçirildi. Məktəbin 10b sinif şagirdi Zeynalova Zəhra İlham qızı gümüş medalla təltif olundu. Şagirdimizi bu münasibətlə ürəkdən təbrik edir, uğurlarının daimi olmasını arzulayırıq.

• Anar Hüseynzadə Mahir
• Sinif: 3ç
• Bölmə: Azərbaycan

Məktəbin 3ç sinif şagirdi Hüseynzadə Anar Mahir oğlu Tailand Beynəlxalq Riyaziyyat Olimpiadasında (TIMO) bürünc medal qazanıb. Şagirdimizi bu münasibətlə məktəb rəhbərliyi, pedaqoji kollektiv adından təbrik edir, uğurlarının daimi olmasını arzulayırıq.

• Kövsər Qurban Orxan
• Sinif: 2ç
• Bölmə: Azərbaycan

Məktəbin 2ç sinif şagirdi Qurban Kövsər Almaniya, Türkiyə, KKTC-Şimali Kipr Respublikası və ilk dəfə olaraq Azərbaycanın da qatıldığı 40-cı Beynəlxalq Pınar Uşaq Rəsm müsabiqəsində 12908 iştirakçı arasında 1-ci yerin qalibi oldu. Şagirdimizin rəsmi dünyanın 4 bir tərəfinə göndərilən kataloqların üz qabığında öz əksini tapdı. Kövsər Beynəlxalq qalib Sertifikatı, 1-cilik Medalı, Planşet, Professional Rəsm ləvazimatları və Kataloqlarla mükafatlandırıldı. Şagirdimizi bu münasibətlə məktəb rəhbərliyi, pedaqoji kollektiv adından təbrik edir, uğurlarının daimi olmasını arzulayırıq.

• Riyad Şirəliyev Oqtay
• Sinif: 9ç
• Bölmə: Azərbaycan

 Məktəbin XI sinif şagirdi Şireliyev Riyad 2019 –cu il tarixində Koreya Səfirliyinin Taekvando üzrə Dünya Çempionluq Kupasında çıxışına görə III yerə layiq görülüb. Bu münasibət ilə məktəb rəhbərliyi, pedaqoji kollektiv adından təbrik edir, uğurlarının daimi olmasını arzulayırıq. 

• Rüfət Hacıyev Səxavət
• Sinif: 7c
• Bölmə: Azərbaycan

Gürcüstanda keçirilən Kyokşin Karate üzrə Beynəlxalq Qafqaz kuboku yarışında məktəbimizin VIII sinif şagirdi Rüfət Hacıyev erməniyə qalib gələrək birinci yerə çıxmışdır. Kubok, qızıl medal və diplomla təltif olunmuş şagirdimizi məktəb rəhbərliyi və pedaqoji kollektivi adından təbrik edir, uğurlarının daimi olmasını arzulayırıq.

• Nəzrin Ağalarzadə Cəlal
• Sinif: 7d
• Bölmə: Azərbaycan

Məktəbimizin 8 c sinif şagirdi Ağalarzadə Nəzrin Azərbaycan Respublikası Təhsil Nazirliyi 2 Nömrəli Uşaq-Gənclər İnkişaf Mərkəzi tərəfindən 15-26 aprel 2018-ci il tarixdə Bursa-Ankara şəhərində keçirilən 40-cı TRT Beynəlxalq 23 Nisan Uşaq Şənliyində Azərbaycanı layiqincə təmsil etdiyinə görə "Təşəkkürnamə" almışdır. Bu münasibət ilə şagirdimizi səmimi qəlbdən təbrik edir, səsinin daha yüksəklərdən gəlməsini arzulayırıq.

• Vəkilova Xədicə Namiq
• Sinif: 4c
• Bölmə: Azərbaycan

Beynəlxalq İko Matsuşima Karate Kyokşin Kaykan təşkilatının Azərbaycandakı nümayəndəliyi tərəfindən keçirilən Beynəlxalq Kyokşin Karate -do üzrə açıq yarışda I yerlə mükafatlanmış IV sinif şagirdimiz Vəkilova Xədicə Namiq qızını məktəb rəhbərliyi və pedaqoji kollektiv adından təbrik edir, uğurlarının daimi olmasını arzulayırıq.

• Lalə Mirkamal Tural
• Sinif: 3d
• Bölmə: Azərbaycan

Beynəlxalq İko Matsuşima Karate Kyokşin Kaykan təşkilatının Azərbaycandakı nümayəndəliyi tərəfindən 11 yaşlılar arasında keçirilən Beynəlxalq Kyokşin Karate -do üzrə açıq yarışda I yerlə mükafatlanmış III sinif şagirdimiz Mirkamal Laləni məktəb rəhbərliyi və pedaqoji kollektiv adından təbrik edir, uğurlarının daimi olmasını arzulayırıq.

• Riyad Şirəliyev Oqtay
• Sinif: 8a
• Bölmə: Azərbaycan

Məktəbimizin IX a sinif şagirdi Şirəliyev Riyad Oqtay oğlu Taekvondo üzrə Qəbələ şəhərində keçirilən " Koreya Səfiri kuboku" yarışmasında I yer, Yunanıstanın Afina şəhərində "Prezident kuboku" yarışmasında I yer, Bolqarıstanın Sofiya şəhərində "Açıq birinciliyi" yarışmasında I yer, Türkiyənin Antalya şəhərində "Avropa Çempionatı" yarışmasında II yer, Misirin Şarm El Şeyx şəhərində "Dünya birinciliyi" yarışmasında III yer tutmuşdur. Yaşının az olmasına baxmayaraq böyük nailiyyətlər əldə etmiş şagirdimiz ilə qürur duyuruq və gələcəkdə də uğurlarının bol olmasını arzulayırıq.