116 №-li tam orta məktəb

    Məktəbimizin Azərbaycan dili və ədəbiyyat müəllimi Məmmədova Arzu  8 b sinif şagirdlərinin təqdimatında M.F.Axundovun " Hekayəti-müsyö Jordan " komediya əsərini səhnələşdirdi. Akt zalında qurulan tamaşaya məktəb müdiriyyəti, müəllimlər, 8 b sinfinin valideynləri dəvət olunmuşdular. Tamaşaya böyük həvəslə hazırlaşan şagirdlər oynadıqları rolların öhdəsindən məharətlə gəldilər. 

    Hər il olduğu kimi məktəbimizin müəllim və şagird kollektivi Müqəddəs Şəhidlər Xiyabanına ziyarət edir, Şəhidlərimizin məzarına qərənfillər düzür, Şəhidlərin ruhuna dualar edirlər. Bu ildə  sinif müəllimlərinin rəhbərliyi ilə ibtidai sinif şagirdləri Şəhidlər Xiyabanını ziyarət etmiş, şəhidlərin məzarları üstünə qərənfillər düzmüşlər. Əsas məqsədimiz hər zaman olduğu kimi gənc nəsillərə nümunə olmaq,Şəhidləri yalnız 20 yanvar günü deyil,hər gün yad etməyə nail olmaqdır.

  Məktəbimizdə  rəhbərlik, pedaqoji və şagird kollektivinin iştirakı ilə   "20 Yanvar" faciəsini əks etdirən "20 Yanvar - Azadlığa Gedən Yol" adlı bədii kompazisiya keçirildi. Tədbirə Ümummilli lider müasir Azərbaycan Respublikasının qurucusu Heydər Əliyevin statları ilə başlanıldı,daha sonra isə şagirdərin ifasında şəhidlər haqqında, vətənpərvərlik mövzusunda şeirlər, mahnılar səsləndi, kiçik səhnəciklər göstərildi. 
Tədbirin sonunda məktəbin direktoru Gülnaz xanım Kərimova çıxış etdi. Gülnaz xanım öz çıxışında  "Yanvar" faciəsinin acılarını, günahsız əhaliyə divan tutulduğu və 20 yanvar faciəsi xalqımız üçün necə ağır bir faciə olduğu  haqqında danışdı. 

     Əminik ki, Ali Baş Komandanımızın apardığı güclü daxili və xarici siyasəti nəticəsində  işğal  olunmuş torpaqlarımız azad olacaq.

    16 yanvar tarixində məktəbimizdə rəsm sərgisi təşkil edildi. Rəsm çəkmək üzrə istedadlı olan şagirdlırimiz, "20yanvar faciəsi" nə həsr edilmiş rəsmlər çəkdilər. Sulu boyalar, rəngli kardaş və müxtəlib ləvazimatlaardan istifadə edərək maraqlı rəsmlər çəkən şagirdlərimizin əl işləri məktəb foyesində aslıdı.

    16 yanvar tarixində məktəbimizin 3 cü sinif şagirdlərinin təqdimatında tədbir keçirildi.Sinif daxilində baş tutan tədbirdə direktor müvinləri iştirak etdi. Şagirdlırin ifasında 20 yanvar faciəsinə həsr edilmiş şeir və səhnəciklər təqdim edildi, şəhidlər mahnısı səsləndi. Sonda sinif rəhbəri Mahirə müəllimə 20 yanvar faciəsinin hadisələri barədə şagirdlərə məlumat verdi. Direktor müavinləri belə maarifləndirici tədbirlərin keçirilməsini zəruri oldugunu vurgulayaraq iştirakçılara təşəkkür etdi.Tədbirin sonunda şagirdlər məktəbin foyesində yerləşən şəhidlərin şəkilləri önünə qərənfil düzüb, bir dəqiqəlik sükutla onları yad etdilər.