FERMAT Beynəlxalq Riyaziyyat Olimpiadası dünyanın bir çox ölkələrində riyaziyyat sevən şagirdləri bir araya gətirir. 2 turdan ibarət olan bu yarış ilk tur yerli 2 ci tur isə Vyetnamda təşkil olunur. İlk turda qızıl gümüş, bürünc medal qazanan şagirdlər 2-ci turda iştirak edirlər.
Məktəbin 5ç sinif şagirdi Hüseynzadə Anar Mahir oğlu FERMAT Beynəlxalq Riyaziyyat Olimpiadasında gümüş medal qazanaraq 2-ci tura vəsiqə əldə edib. Şagirdimizi bu yarışda qazandığı uğur münasibətilə ürəkdən təbrik edir və növbəti mərhələdə uğurlar arzulayırıq.
Məktəbin 2ç sinif şagirdi Kövsər Qurban Orxan qızı ABŞ-ın Beynəlxalq Sülh Dostları Fondunun və Qlobal Xeyirxahlıq TV-nin Beynəlxalq lideri Karen Palmerin əməkdaşlığı ilə baş tutmuş 24-cü Beynəlxalq "Xeyirxahlıq" Sülh Dostları Rəsm Müsabiqəsində dünyanın 79 ölkəsindən 4500-dən çox iştirakçısı arasından 5-7 yaş kateqoriyası üzrə 3-cü yerin qalibi olaraq bürünc medal, sertifikat, Qalib Sülh Dirəyi, açıqca (Kövsərin rəsmi ilə) və müxtəlif hədiyyələr qazanmışdır. Kövsər müsabiqə-sərgidə Azərbaycanın bayrağını tanıdan və qalib olan yeganə azərbaycanlı iştirakçıdır. Şagirdimizi bu münasibətlə məktəb rəhbərliyi, pedaqoji kollektiv adından təbrik edir, uğurlarının daimi olmasını arzulayırıq.