Məktəbin 4"ç" sinif şagirdi Kövsər Qurban Orxan qızı Çin Respublikasının Təhsil qurumu ChineseBridge -in təşkil etdiyi "Mid-Autumn Festival" 1-ci Beynəlxalq Professional Xəttatlıq və Rəssamlıq Müsabiqəsində iştirak edərək professional münsiflərdən 10mindən çox (10.107) səs toplayaraq "Online Popularity" kateqoriyasında qalib gəlmişdir.
Müsabiqəyə qatılmaq üçün əsas şərtlərdən biri çəkdiyin rəsmi Çin dilində ifadə etmək idi.
Kövsər Çin dilində çəkdiyi rəsm haqqında danışmış və rəsmini Azərbaycan-Çin Dostluğuna həsr etdiyini ifadə etmişdir.
Mükafat: Beynəlxalq Sertifikat və Professional Çin Xəttatlıq Dəsti idi.
Kövsər Qurban eyni rəsmi ilə 6 sentyabr 2023-cü ildə ŞƏT- Beynəlxalq Şanxay Əməkdaşlıq Təşkilatı ölkələrindən olan uşaqların Qansu əyalətinin Dunxuanq şəhərində "İncəsənətlə görüş - Uşaqların Qəlbində Böyük İpək Yolu" sərgisinə qatılmışdır.
Sərgi ŞƏT-in Yaxşı Qonşuluq, Dostluq və Əməkdaşlıq üzrə Çin Komitəsi, Çin Beynəlxalq Mədəniyyət Assosiasiyası və Çin Mərkəzi Rəssamlıq Akademiyası tərəfindən təşkil olunub.
ŞƏT baş katibinin müavini N.S. Niyazəliyev açılış mərasimində çıxış edib.
Kövsərin çəkdiyi Rəsm bu sərgidə yüksək qiymətləndirilmiş, Beynəlxalq Sertifikata layiq görülmüş və çoxsaylı KİV paylaşımlarında yer almışdır.
Məktəbin 3ç sinif şagirdi Kövsər Qurban Orxan qızı TDPV - Türk Dünyası Parlamentərlər Vaqfının təşkil etdiyi Beynəlxalq Ahilik və Ahi Evran Müsabiqəsinin Beynəlxalq rəsm kateqoriyasında qalib olduğu üçün Türkiyənin Azərbaycandakı səfiri Cənab Cahit Bağcı onu Böyükelçilikdə ehtiramla qəbul edib, TDPV adına təltif etdi. Kövsər Qurban Beynəlxalq Sertifikat və Rəqəmsal Grafik Planşetlə mükafatlandırıldı. Bu dəyərli mükafatlar TDPV-nin Yönetim Kurulu Başkanı hörmətli Abdullah Bəy Çalışkan və heyəti tərəfindən göndərilmişdir. Ayrıca Cənab Səfir isə Türkiyə Böyükelçilik adına öz qiymətli hədiyyələrini Kövsərə təqdim etdi. Şagirdimizi bu münasibətlə məktəb rəhbərliyi, pedaqoji kollektiv adından təbrik edir, uğurlarının daimi olmasını arzulayırıq.