Beynəlxalq "Ana dili" günü
Məktəbin Azərbaycan dili və ədəbiyyat müəllimi T.Tağıyevin təşkilatçılığı ilə şagirdlərə “Ana dili Günü” ilə əlaqədar geniş məlumat verdi. Fevralın 21-i bütün dünyada ” Beynəlxalq Ana Dili Günü” kimi qeyd olunur. Ölkəmizdə Ana dilinin hər tərəfli inkişafı, beynəlxalq münasibətlər sisteminə yol tapması Ulu Öndər Heydər Əliyevin dilimizin qorunmasına yönələn düşünülmüş siyasətinin nəticəsidir.
Hazırda bu ənənələri Prezident İlham Əliyev uğurla davam etdirməkdədir. Dövlətimizin başcısının “Azərbaycan dilində latın qrafikası ilə kütləvi nəşrlərin həyata keçirilməsi haqqında” 2004-ci il 12 yanvar tarixli Sərəncamı və bu istiqamətdə görülən digər işlər dilimizin inkişafına böyük qayğının təzahürüdür.
Ana dilimizi qorumaq və inkişaf etdirmək hər bir azərbaycanlının müqəddəs borcudur. Sonda V ci sinif şagirdləri “Öz ana dilini bilməyənlərə”, “Ana dili”, “Ana dilim ölən deyil” şeirlərini söylədilər.
