"9 Noyabr Dövlət Bayrağı günü" qeyd edilmişdir
Məktəb rəhbərliyinin təşkilatçlığı ilə MC Teams portalında, videokonfrans formatında 9 Noyabr "Dövlət Bayrağı günü" münasibətilə tədbir keçirilmişdir. Tədbiri giriş sözü ilə məktəbin direktoru G.Rüstəmova açaraq tədbir iştirakçılarını "Bayraq günü" və Şuşada qazanılmış qələbə münasibətilə təbrik etmişdir. O, Vətən müharibəsində şəhid olmuş oğullarımıza Allahdan rəhmət diləyərək, Bayraq gününün yaranma tarixi barədə qısa məlumat vermişdir. G.Rüstəmova qeyd etmişdir ki, Ali Baş Komandan İlham Əliyevin uzaqgörən siyasətinin nəticəsində biz bu gün öz milli mənliyimizin ayrılmaz parçası olan Qarabağa yenidən qovuşuruq, 30 ilə yaxın düşmən tapdağında olan torpaqlar yenidən xalqımızın olur. Sonra şagirdlər tərəfindən hazırlanmış təqdimatlar nümayiş etdirilmişdir. Bayram münasibətilə məktəbin təlim-tərbiyə işləri üzrə direktor müavinləri Ş.Abasova, T.Hacıyeva, X.Fərəcova, həmçinin müəllimlər də öz təbriklərini tədbir iştirakçılarına çatdırmışlar.
