İlk yardımla bağlı maarifləndirmə tədbiri
Məktəbdə, küçədə, evdə - ümumiyyətlə istənilən məkanda baş verə biləcək bədbəxt hadisə , qəfil xəstələnmə zamanı zərərçəkmişin yanında olan digər şəxslər ilk yardım göstərməyi bacarmalıdırlar. Hadisə yerində tibbi vəsaitsiz, mövcud vasitə və vəsaitlərlə yardım edilməlidir. Bu məqsədlə həkim-pediatr Zarema Həmidova və tibb bacısı Məlahət Abdullayeva lV b sinfində ilk tibbi yardım, sarğının qoyulması, ürəyin qapalı masajı, süni tənəffüs, termometrdən istifadə qaydaları haqqında maarifləndirici iş aparıblar.
Şagirdlərə nəzəri biliklərlə yanaşı, əyani vərdişlər də öyrədilərək, onların sualları cavablandırılıb.
