Bakı Gənclər Mərkəzində elmi-praktik konfrans keçirilib
04.04.2024-cü il tarixdə Bakı Gənclər Mərkəzində Bakı Şəhər İcra Hakimiyyətinin təşəbbüsü, Sabunçu Rayon İcra Hakimiyyətinin təşkilatçılığı ilə “Heydər Əliyev və Azərbaycan tarixi” mövzusunda Sabunçu rayon məktəbliləri arasında keçirilən referat yazı müsabiqəsinin rayon üzrə yekun mərhələsinə həsr olunmuş elmi-praktik konfrans keçirilib. Konfransda 5 referat mövzusunun müəllifləri lX a sinif şagirdləri Aylin Quliyeva, Aysu İsmayılova, X c sinif şagirdi Elcan Rzayev, Xl a sinif şagirdi Araz Məmmədov və elmi rəhbərləri İradə Abbasova, Emil Məmmədov, İlhamə İsmayılova, Zabitə Quliyeva iştirak ediblər.
Azərbaycan Respublikasının Dövlət Himni səsləndirildikdən sonra tədbir iştirakçıları Vətənin azadlığı və ərazi bütövlüyü uğrunda canından keçən şəhidlərin əziz xatirəsini bir dəqiqəlik sükutla yad ediblər.
Daha sonra referat müsabiqəsinin rayon mərhələsində xüsusi seçilərək elmi-praktik konfransda iştirak hüququ qazanan məktəblilər 5 mövzu üzrə hazırladıqları referatları konfrans iştirakçılarına təqdim ediblər.
Bakı Şəhər İcra Hakimiyyəti başçısı Aparatının İctimai-siyasi, humanitar məsələlər və dini qurumlarla iş şöbəsinin müdiri Elmin İmanov çıxışında qeyd edib ki, “Heydər Əliyev və Azərbaycan tarixi” mövzusunda referat müsabiqənin keçirilməsində məqsəd gənclərdə Azərbaycanın tarixi, mədəniyyəti və tarixi şəxsiyyətlərinə diqqət və marağı artırmaq, şagirdlərə elmi araşdırma, tədqiqat, tarixi faktları analiz edib müəyyən nəticəyə gələ bilmə bacarığını aşılamaqdır.
