Şagirdlərin ağız boşluğunun gigiyenası
Uşaqların məktəb yaş dövrü digər dövrlərdən stomatoloji xəstəliklərin - karies və paradontun iltihabi xəstəliklərinin inkişafının yüksək artımı ilə fərqləndirilir. Məhz bu yaş dövründə (6 və 18 yaşlararası) bütün profilaktik tədbirlərin aparılması daha effektiv olur. Uşaqların icbari dispanserizasiyası üzrə 1-8-ci siniflərdə ildə 1 dəfə stomatoloqun baxışı nəzərdə tutulur. Əsas stomatoloji xəstəliklərin yaranması və inkişafının səbəbləri haqqında bilik səviyyəsinin artması imkan verir ki, onları bu haqda məlumatlandıraraq, bu xəstəliklərin əhəmiyyətli dərəcədə azalmasına kömək edək. Bu məqsədlə 3 saylı Uşaq Stomatoloji Poliklinikasının həkim- stomotoloqu Fəridə Məmmədova və məktəbin tibb bacısı Məlahət Abdullayeva Vll- Vlll siniflərdə şagirdlərin ağız boşluğunu profilaktik müayinədən keçiriblər. Hər hansı bir gigiyenik proqramın əsası, əhalinin gigiyenik təlimi və maarifləndirilməsidir. Məhz məktəb yaş dövründə uşaqların maarifləndirilməsi ən yaxşı effekt verir.
Ağız boşluğuna düzgün gigiyenik qulluq yalnız kariesin deyil, həm də diş ətinin iltihabi xəstəliklərinin yaranmasının və inkişafının qarşısını alır. Profilaktik tədbirlərin məqsədi məktəb yaşlı uşaqlara ağız boşluğuna qulluq bacarıqlarının öyrədilməsidir.
