Novruz bayramı ilə əlaqədar tədbir keçirilib
Xalqımızın qədim tarixini, milli-mənəvi dəyərlərini özündə yaşadan Novruz bayramı münasibəti ilə ümumməktəb tədbiri keçirilib.Novruzun gəlişini tərənnüm edən al-əlvan plakatlarla bəzədilmiş akt zalında keçirilən bayram şənliyində ulu babalarımızdan bugünkü nəslə yadigar qalan qədim el adət və ənənələri nümayiş olunub, həmçinin Novruz bayramının bolluq və bərəkət təcəssümü olan səməni, simvolik bəzəkli xonçalar, milli rəqslərdən ibarət rəngarəng konsert proqramı bayram şənliyinin iştirakçılarında xoş ovqat yaradıb.
Novruz bayramının əsas personajları olan Bahar qızı, Xıdır Nəbi, Kosa və Keçəl öz maraqlı çıxışları ilə tədbirə xüsusi şənlik qatıblar.
Tədbirdə iştirak edən məktəbin direktoru Kəmalə Məmmədova tədbir iştirakçılarını Bahar bayramı münasibətilə təbrik edərək onlara uğurlar arzulayıb.
Bayram şənliyi " Cəngi " sədaları altında başa çatıb.