Beynəlxalq Təhsil günü
“Beynəlxalq Təhsil günü ” ilə əaqədar olaraq 3 “a” sinfi və sinif rəhbəri Aytac Tarverdiyeva, məktəbdənkənar və sinifdənxaric tərbiyə işləri üzrə təşkilatçı Azadə Süleymanova dərsdən sonra asudə vaxtlarını “Bilim Bakı” mərkəzində keçirdilər. Texnolaboratoriya ilə tanış olub, helikopter maketi hazırladılar.
Təhsil insan hüququ, ictimai sərvət və ictimai məsuliyyətdir. Sosial-iqtisadi həyatın müasirləşdirilməsində təhsilin rolu təkcə təhsilalanın qazandığı bilik və bacarıqların iqtisadi amilə çevrilməsi ilə məhdudlaşmır. Təhsil prosesində əldə olunan bilik və bacarıqlar, həmçinin etik-əxlaqi norma və dəyərlər hər bir təhsilalanın cəmiyyətin layiqli üzvü olması üçün lazımi şərait yaradır, onu biliyi və etik davranışı sayəsində örnək ola biləcək həmkara, nümunəvi ailə üzvünə və vətəndaşa çevirir.
