232 №-li tam orta məktəb

Məktəbin kitabxana müdiri Aytən Məmmədova və 3 "B"sinif rəhbəri Mərziyyə Əliyeva şagirdlərlə birgə Azərbaycan Milli Xalça Muzeyində  təşkil olunan Azərbaycan Rəssamlar İttifaqının "Dekorativ tətbiqi sənət bölməsinin rəhbəri,Azərbaycan Respublikasının xalq rəssamı Aydın Rəcəbovun əsərləri əsasında hazırlanan nağıl saatında iştirak ediblər.

Aydın Rəcəbovun 80 illik yubileyi münasibətilə keçirilən "Bir  ömrün naxışları "sərgisi çərçivəsində uşaqlar üçün təşkil olunan  "Nağıl saat" ında  muzeyin əməkdaşının sənətkarın əsərlərinin mövzu və personajlarında bəhrələnərək ərsəyə gətirdiyi  "Sirli tarla" nağılını şagirdlər  dinləyiblər.Daha sonra sərgi ilə muzeyin əməkdaşı şagirdləri yaxından tanış etdi ,şagirdlərin sualları cavablandırıldı.

Muzeyin uşaq şöbəsi şagidlər üçün Aydın Rəcəbovun "Qoç " əsəri əsasında rəngləmə üzrə ustad dərsi keçdilər.Sinif rəhbəri  Mərziyyə Əliyeva şagirdlərə muzey   xoş təəssürat yaratdığını vurğuladı.

Sonda kitabxana müdiri Aytən Məmmədova rəhbərlik adından  dəvət üçün dərin təşəkkürünü bildirdi.

           Məktəbin fəaliyyət planına uyğun olaraq 1"A" və 3 "A"  sinifləri həmrəylik göstərərək "Hərəyə bir gül əkək" adlı layihə keçirdilər. Prezident  İlham Əliyevin sərəncamı ilə 2024-cü il ölkəmizdə “Yaşıl dünya naminə həmrəylik ili” elan edilib. Sərəncamda qeyd olunur ki, Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilib.
           Sinif rəhbərləri Sevinc Məmmədova və Leyla Orucəliyeva bildirdilər ki, Azərbaycanda “Yaşıl dünya naminə həmrəylik ili” elan edilməsi dayanıqlı inkişafa doğru atılmış bir təşəbbüsdür. Bu təşəbbüs sadəcə simvolik məna kəsb etmir, həm də ölkənin gələcək nəsillər üçün daha yaşıl və sağlam gələcəyin qurulması istiqamətində qətiyyətli öhdəliyini strateji planlaşdırmasını və fəal tədbirlərini əks etdirən addımdır. Şagirdlər sinifdə " Yaşıl dünya"mızı tərənnüm edən rəsmlər çəkdilər, sonra isə məktəbin həyətində müxtəlif güllər əkdilər. Sonda şagirdlər plakat üzərində hazırladıqları ağac  aplikasiyasını boyadıqları əllərinin əksi  ilə tamamladılar.

         Məktəbin fəaliyyət planına uyğun olaraq bu həftə İngilis dili,  tarix, rus dili və biologiya  fənnlərindən dərslər dinlənildi. Dərslərlə bağlı məktəbin direktoru  Günel Fətəliyeva və təlim-tərbiyə işləri üzrə direktor müavini Günel İsmayılova  qeydlərini götürdü.

          Sonda isə həftəlik dərsdinləmələrlə bağlı müəllimlərlə  müzakirələr aparıldı. Müəllimlərə lazımi tövsiyələr verildi.

       Təhlükəsiz məktəb şagirdlərin, müəllimlərin, məktəb kollektivinin digər üzvlərinin özlərini fiziki, psixoloji və sosial baxımdan tam sərbəst hiss etdikləri yerdir.

         Məktəbin tədbirlər planına uyğun olaraq “Təhlükəsizlik həftəsi” çərçivəsində tədbirlərimiz bu həftə yekunlaşdı.

         Məktəb rəhbərliyi həftəlik görülən işlərlə bağlı məsul şəxslərlə hesabatların müzakirəsini apardı. Sonda aşkarlanmış nöqsanlar haqqında hansı tədbirlərin görüləcəyi planlaşdırıldı.  

          Növbəti həftədə prosses müxtəlif istiqamətlərdə davam etdiriləcək .

       "Azərbaycan Elmlər Akademiyasının həqiqi üzvü, respublikanın əməkdar elm xadimi, Tibb Elmləri Akademiyasının laureatı, tibb elmləri doktoru, professor, Ə.Əliyev adına Azərbaycan Dövlət Həkimləri Təkmilləşdirmə İnstitutunun göz xəstəliləri kafedrasının müdiri Zərifə Əziz qızı Əliyevanın anadan olmasının 101-ci il dönümü münasibətilə UBR Mədinə iskəndərova və fənn müəllimi Vüsalə Məmmədovanın təşkilatçılığı ilə  tədbir keçirildi.

       "Dəyirmi masa" ətrafında keçən səmimi söhbətdə şagirdlər bu böyük insandan ləyaqətli xanım, qayğıkeş ana, böyük alim, həssasqəlbli həkim kimi söhbət açdılar. Mədinə İskəndərova Zərifə Əliyevanı bir alim və həkim kimi onun Azərbaycan səhiyyəsindəki müstəsna rolundan danışdı.         

           Şagirdlər görkəmli alimin  həyat və fəaliyyəti haqqında sənədli filmə baxdılar.

        Sonda Mədinə İskəndərova  onu da qeyd edərək  bir daha  şagirdlərə milli-mənəvi dəyər olaraq məhz Zərifə Əliyeva kimi insanları örnək göstərməyi tövsiyə etdi.