168 №-li tam orta məktəb

    İlham Əliyevin müvafiq sərəncamı ilə 2024-cü il ölkəmizdə “Yaşıl dünya naminə həmrəylik ili” elan edilib. Bu layihə çərçivəsində aprelin 26-da məktəbin sinifdənxaric və məktəbdənkənar tərbiyə işləri üzrə təşkilatçı Sevda Rəhimova, UBR Abasova Zülfünaz, psixoloq Röya Qəhrəmanovanın təşkilatçılığı ilə şagirdlərin ekoloji dünyagörüşünün, təbiətə münasibətdə əxlaqi yanaşma mövqeyinin, öyrənmə və tədqiqatçılıq bacarıqlarının formalaşması, məktəblilərin ekoloji hərəkata, ekoloji yönümlü fəaliyyətə cəlb edilməsi, bilik axtarışının müxtəlif forma və metodlarını, praktiki bacarıqlarını, təşkilatçılıq qabiliyyətlərini mənimsəmələri məqsədilə tədbir keçirilib. Tədbirdə şagirdlər ev heyvanlarını mühafizəsi, saxlanılma qaydası, bəslənməsi haqqında bilgilər əldə ediblər.

    Aprelin 26-da məktəbin sinifdənxaric və məktəbdənkənar tərbiyə işləri üzrə təşkilatçı Sevda Rəhimova, UBR Abasova Zülfünazın təşkilatçılığı ilə "Unudulmaz alim, mehriban ana, qayğıkeş insan" adlı tədbir keçirilib. Tədbir Azərbaycan Respublikasının Dövlət Himninin səsləndirilməsi və Azərbaycanın müstəqilliyi uğrunda canını fəda edən şəhidlərin əziz xatirəsinin bir dəqiqəlik sükutla yad edilməsindən sonra açıq elan olunub.

    Tədbirdə dünya tibb elminə əvəzolunmaz töhfələr vermiş böyük oftalmoloq alim Zərifə xanımın həkim kimi fədakarlığı, yüksək vətəndaşlıq məsuliyyəti, səmimiliyi və qayğıkeşliyi, insanlara və onların problemlərinə göstərdiyi diqqət, fəal həyat mövqeyi, elmi və yaradıcılıq fəaliyyətini əhatə edən videoçarx nümayiş etdirilib. Zərifə xanımın fitri istedada malik novator alim, pak və nadir bir insan kimi yaşadığı dərin mənalı ömrü, keçdiyi şərəfli həyat yolu hər bir Azərbaycan vətəndaşı, hər bir alim, həkim üçün həyat və mənəviyyat dərsi, kamillik, müdriklik məktəbi, hamıya örnək olduğu xüsusi vurğulanıb. Sonra şagirdlər akademik Zərifə xanım Əliyevaya həsr olunan şeirlər söyləyib, mahnılar ifa ediblər.

    Aprelin 25-də Azərbaycan Badminton Federasiyasının təşkilatçılığı ilə Bakı Şəhəri üzrə Təhsil İdarəsinin "İdmansevərlər" layihəsinin icrasını təmin etmək məqsədilə Ulu Öndər Heydər Əliyevin 101 illiyinə həsr olunmuş badminton turniri keçirilib. Turnirdə Pirallahı rayonunda yerləşən (231, 235, 243, 168, 186) məktəblərin hər birindən bir qadın və bir kişi müəllim iştirak edib. Maraqlı və gərgin keçən yarışın qalibləri 186 nömrəli tam orta məktəbin Uşaq Birliyi Rəhbəri Rzayeva Aynur və 231 nömrəli tam orta məktəbin idman müəllimi İmanov Cəfər olub. 168 nömrəli məktəbi təmsil edən iştirakçılar-Tarverdiyev Mikail və Həsənova Günel ikinci yerə layiq görülüblər. Təşkilat komitəsi tərəfindən yarışın qaliblərinə və digər iştirakçılara diplom və medallar təqdim edilib.

    24.04.2024-cü il tarixində məktəbin fiziki-tərbiyə müəllimi Mikail Tarverdiyev tərəfindən Ulu Öndər Heydər Əliyevin 101 illiyinə həsr olunan məktəbdaxili badminton yarışı keçirilib. VI-VII siniflərin oğlanları arasında keçirilən yarışda 7"A" sinif şagirdi Rəhim Nəcəfli, qızları arasında keçirilən yarışda isə 7"A" sinif şagirdi Məsməxanım Sultanova 1-ci yerə layiq görülüblər.

   “Məktəblərdə Məhəmməd Füzuli ayı” layihəsi çərçivəsində 24.04.2024-cü il tarixində sinifdənxaric və məktəbdənkənar tərbiyə işləri üzrə təşkilatçı Sevda Rəhimova və kitabxana müdiri Ülviyyə Niftəliyeva şagirdlər arasında milli-mənəvi dəyərləri təbliğ etmək, dahi şairin zəngin ədəbi-bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də gənc istedadları üzə çıxartmaq məqsədilə dahi şair Məhəmməd Füzulinin məqalə və kitablarından ibarət təqdimat keçirib.