“Böyük Qayıdış” adlı tədbir
Məktəbin kitabxanasında Zəfər Gününə aid “Böyük Qayıdış” adlı tədbir keçirilib. Tədbir Azərbaycan Respublikasının Dövlət Himni ilə başlayıb, torpaqlarımızın azadlığı uğrunda öz canlarını fəda edən Şəhidlərimizin əziz xatirəsi bir dəqiqəlik sükutla yad edilib.
Kitabxana müdiri Səbinə Manafova qələbə müjdəli Zəfər səlnaməmiz olan 44 günlük Vətən müharibəsindən söhbət açıb. Tədbirdə iştirak edən şagirdlərimiz işğaldan azad edilmiş torpaqlarımız haqqında geniş çıxışlar edib, şeirlər söyləyib və Böyük Qayıdışa aid səhnəciklər nümayiş ediblər. Daha sonra şagirdlər Zəfər Gününə aid təqdimat və rəsmləri təqdim ediblər. Tədbirdə iştirak edən məktəb rəhbərliyi və müəllimlər qazanılan bu möhtəşəm Qələbə haqqında danışıb.
