94 №-li tam orta məktəb

94 nömrəli tam orta məktəbin 11 “E” sinif şagirdi Ramilə Musayeva “Xocalı soyqırımını unutma” adlı rəsm müsabiqəsində uğurla çıxış edib. Xocalı soyqırımının 28-ci ildönümünə həsr olunmuş “Xocalı soyqırımını unutma” mövzusunda Sabunçu rayon məktəblərinin şagirdləri arasında keçirilmiş rəsm müsabiqəsində fərqləndiyinə görə R.Musayeva Sabunçu Rayon Gənclər və İdman İdarəsi tərəfindən Diplomla təltif edilmişdir.

Fevralın 18-də 94 nömrəli tam orta məktəbdə "Gənclərin peşəyönümü tərbiyəsinin təşkili" mövzusunda seminar keçirilib. Seminarda məktəbin VII-IX sinif şagirdləri iştirak edib. Şagirdlərə peşə seçərkən maraq, bacarıq və meyillərini, hansı sahədə daha çox uğur qazana biləcəklərini nəzərə almaq istiqamətində tövsiyələr verilib. Müzakirələr şəraitində keçən seminarda Əmək və Əhalinin Sosial Müdafiəsi Nazirliyinin əməkdaşı tərəfindən şagirdlərin sualları cavablandırılıb.

94 nömrəli tam orta məktəbdə valideyn iclasları keçirilib. İclaslar əsasən cari tədris ilinin birinci yarımilinin yekunlarına həəsr olunub. Valideynlərə övladlarının təlim nailliyyətələri, davranışları, dərslərə davamiyyətləri barədə ətraflı məlumatlar verilib.

          94 nömrəli tam orta məktəbdə Azərbaycanın Milli Qəhrəmanı Mübariz İbrahimovun doğum günü qeyd edilib. İlk öncə Milli Qəhrəmanın xatirəsi bir dəqiqəlik sükutla yad edilib. Azərbaycan dili və ədəbiyyat müəllimi Almaz Əbdüləzimova Mübariz İbrahimovun keçdiyi döyüş yolundan şagirdlərə geniş məlumat verib. Şagirdlərin ifasında igid döyüşçüyə, vətənə həsr olunmuş məruzələr, şeirlər dinlənilib.

               94 nömrəli tam orta məktəbdə “Peşə yonümün tərbiyəsinin təşkili” mövzusunda seminar keçirilib. Seminarda məktəbin psixoloqu Məsumə Həsənəliyeva, UBR Pərvanə Hüseynova və IX sinif şagirdləri iştirak ediblər. Seminarda şagirdlərin maraq və meyilləri, peşələr aləmi haqqında təqdimat nümayiş edtrilib. M.Həsənəliyeva şagirdlərə gələcək peşələrinin düzgün və uğurlu seçilməsi istiqamətində peşələr aləmi haqqında məlumat verib. Psixoloq şagirdlərə bu gün düzgün seçilmiş peşənin onların cəmiyyətdə uğurunun təminatçısı olduğunu vurğulayıb.