94 №-li tam orta məktəb

    21 oktyabr  "Yaşıl dünya naminə həmrəylik ili" ilə əlaqədar məktəbdə şagird və müəllim kollektivinin birgə əməkdaşlığı ilə ekoloji guşələr yaradılıb.

Şagirdlərin bitkilər haqqında təqdimatları dinlənilib.

     Məktəbimizin ibtidai sinif müəllimləri Sevda Axundova, İrina Botsulyak və Lüsya Hüseynova "Həyat bilgisi” dərsliyi əsasında tədrisin təşkili mövzusunda 24 akademik saatlıq "İxtisasartırma Təlimi Proqramına" cəlb olunublar. "Həyat bilgisi" və "Fizika" dərsliyinin müzakirəsində Abdullayeva Sürayə müəllimə də iştirak edib.

    Proqramın məqsədi yeni fənn kimi həyat bilgisinin tədrisinin əhəmiyyəti, tədqiqat əsaslı öyrənmə metodikası ilə hazırlanmış yeni dərsliklər, tədqiqat əsaslı dərsin əsas komponentlərinə dair bilik və bacarıqlar haqqında məlumatlandırmaq, dərslikdəki digər fənnlərə aid mövzularla əlaqəli nümunə dərs hazırlamaqla onlara praktik dərslərin qurulub keçilməsinə şərait yaratmaqdır.

18 Oktyabr - Müstəqilliyin bərpası gününə həsr olunmuş maraqlı dərs keçirilib. Dərs ibtidai sinif müəllimləri İrina Botsulyak və Lüsiya Hüseynova tərəfindən aparılıb.

        2024-cü il “Yaşıl dünya naminə həmrəylik ili “elan edilməsi və “Ekologiya ayı” çərçivəsində məktəbin kitabxanasında Fəaliyyət Planının 11-ci bəndinə uyğun olaraq “Ətraf mühitumizi qoruyaq” adlı ədəbi -bədii kompozisiyalı tədbir keçirilib. Çıxış edən 2,4 və 5-ci sinif şagirdləri A.Bünyadzadənin “Bir damla su”, M.Seyidzadənin “Ağacların şikayəti”, Q.Köçərlinin “Gül qızın nağılı” və “ Xarıbülbülün tarixi “ ,“Təbiəti sevək” adlı hekayələrdən səhnəcikləri böyük məharətlə nümayiş etdiriblər. Hər bir obraz yaşıllıqların bərpası, ətraf mühitin sağlamlaşdırılması və ana təbiəti qorumağı özündə canlandırırdı. Sonda şagirdlər “Yaşıl dünya - sağlam həyat” şüarını səsləndiriblər.

     Hekayələr səhnə bacarığı və ifadəli təqdimetmə meyarlara görə məktəb rəhbərliyi və müəllimlər tərəfindən qiymətləndirilib.

Məqsədimiz şagirdlərə təbiətə qayğı və məhəbbətlə yanaşmağı sevdirməkdir.

       17 oktyabr məktəbimizin biologiya fənnini tədris edən qabaqcıl müəllimlərimizdən olan Gülzadə Bağırova 6e sinfində "Qanın tərkibi" mövzusunda nümunəvi dərs keçirib.

     Dərsdə öyrənmənin dəstəklənməsi məqsədilə hazırlanan resurslardan istifadə olunub. Şagirdlərə mövzunu tam yiyələnməsi üçün videoslaydlar təqdim olunub. Müzakirələr aparılıb və sonda müxtəlif qiymətləndirilmə vasitələrindən istifadə olunub.