"Oğlanlar ağlamaz-Diskriminasiya, gender bərabərliyi, insan hüquqları"
Aprelin 19-da fəaliyyət planına uyğun olaraq Validə Babayeva tərəfindən 3”B” sinfində “Kompasito” dərsliyindən “Oğlanlar ağlamaz!” mövzusunda sinif təşkilat saatı keçirilib.
Məqsəd gender bərabərliyi və gender stereotiplərinin müzakirəsi, tolerantlıq hissinin inkişafı, stereotiplərin diskriminasiya yaratdığını göstərməkdir.
Bu dərsdə 4 kart hazırlanıb: mən razıyam; mən bilmirəm; mən hələ də düşünürəm; mən razı deyiləm. Üç fərqli fikir səsləndirilib. Uşaqlar seçimlərinə uyğun kartları nümayiş etdiriblər. Fərqli kartları seçən uşaqlardan niyə o yeri seçdikləri soruşulub. Uşaqlar kiçik qruplara bölünüb və hər qrupa bir fikir verilib. Hər qrupa 15 dəqiqə ərzində ona düşən fikri müzakirə edərək, fikrin ideyasını təsvir edən səhnəcik hazırlamaq tapşırılıb. Hər təqdimatdan sonra tamaşıçılardan səhnəciyin hansı ideyanı təsvir etməsi haqqında fikirlər soruşulub. Sonra isə səhnəciyi təqdim edən qrupdan hansı ideyanı göstərmək istədikləri soruşulub.
Sonda gender stereotiplərinin təsiri müzakirə edilib. Suallar vasitəsilə gender bərabərliyi və diskriminasiya uzlaşdırılıb.