"Dünya yay düşərgəsi-Mənin sevimli məşğuliyyətim favoritlərimi seçməkdir!"
Aprelin 19-da fəaliyyət planına uyğun olaraq Pərvanə Məmmədova tərəfindən 2”Ç” sinfində “Kompasito” dərsliyindən “Dünya yay düşərgəsi” mövzusunda sinif təşkilat saatı keçirilib.
Məqsəd öz stereotip və önyarğılarını öyrənmək və onların nədən qaynaqlandığını araşdırmaq, diskriminasiyadan uzaq bərabərliyi və azadlığı müdafiə etməkdir.
Dərsdə düşərgədə istirahət edən 12 nəfər uşağın siyahısı hazırlanıb. Altertnativ olaraq siyahı lövhədə yazılıb, slaydlarda göstərilib. Düşərgədə istirahət edən uşaqların xüsusiyyətləri sadalanıb. Uşaqlara müstəqil işləməyi və çadırda birlikdə qalmaq üçün düşərgədəki uşaqlardan üçünü öz istəklərinə görə seçmək tapşırılıb. Düşərgədə istirahət edən uşaqların hansı çadırda qalacağına qrupla birlikdə qərar verilib. Bu oyun real həyat hadisələri ilə müqayisə edilib.
Başqa insanlar, hətta heç vaxt görmədiyimiz insanlar haqqında fikirlərimizin necə formalaşdığı, stereotiplərin niyə diskriminasiyaya apardığı müzakirə edilib.
