83 №-li məktəb-lisey

2008-2009- CU TƏDRİS İLİNDƏ KEÇİRİLMİŞ "ƏN YAXŞI MÜƏLLİM" MÜSABİQƏSİNİN QALİBİAzərbaycan Respublikası Prezidentinin “Ən yaxşı ümumtəhsil məktəbi və ən yaxşı müəllim mükafatlarının təsis edilməsi haqqında” 2007-ci il 4 sentyabr tarixli 2373 nömrəli Sərəncamının 1-ci bəndinə uyğun olaraq 2008/2009-cu tədris ilində keçirilmiş “Ən yaxşı müəllim” müsabiqəsində müvəffəqiyyət qazandığına görə Bakı şəhəri 83 nömrəli məktəb-liseyin informatika müəllimi 5000 (beş min) manat məbləğində birdəfəlik pul mükafatı ilə mükafatlandırılıb.

Qabaqcıl Təhsil İşçisiTəhsil naziri Mikayıl Cabbarovun 25 sentyabr 2014 – cü il tarixli 11/1109 nömrəli əmri ilə təhsilin inkişafı sahəsində xidmətlərinə, gənc nəslin təlim – tərbiyəsi sahəsində yüksək nailiyyətlər əldə etdiklərinə görə və 5 oktyabr – Beynəlxalq Müəllimlər Günü münasibətilə Bakı şəhəri 83 nömrəli məktəb-liseyin təsviri incəsənət və rəsmxət müəllimi, Təhsil Nazirliyinin qiymətləndirmə üzrə eksperti Xatirə Xudiyeva Rafiq qızına “Azərbaycan Respublikası qabaqcıl təhsil işçisi” döş nişanı ilə təltif edilib.

“Ən Yaxşı Hakim”Qələndər Aslan oğlu Aslanov məktəb-liseyin fiziki tərbiyə müəllimi, 2008-ci ildən Təhsil Nazirliyində ümumtəhsil məktəblərində Kurikulum əsasında Dərsliklərin Qiymətləndirilmə Şurasının tərkibində 1 və 8-cı siniflər üçün Fiziki tərbiyə fənni üzrə "Dərslik" və “Müəllim üçün Metodik Vəsait”in qiymətləndirilməsində ekspertdir. 2012-ci ildə Respublika üzrə keçirilən “Ən Yaxşı Müəllim” müsabiqəsinin qalibi olmuşdur.Dəfələrlə rayon İcra Hakimiyyətinin Gənclər və İdman idarəsi, məktəb rəhbərliyi tərəfindən pedaqoji fəaliyyətinə, ictimai işlərdə fəallığına, rayon yarışlarında müvəffəqiyyətlə iştirakına, uşaq və yeniyetmələrin fiziki təlim-tərbiyəsində göstərdiyi xidmətlərinə görə Fəxri Fərmanlarla təltif olunub.2012-ci ildə Binəqədi rayonunda “İlin Ən Yaxşı İdman Müəllimi” Fəxri Fərmanı ilə təltif olunmuşdur.1985-1995-ci illərdə idmanın Yunan Roma güləşi ilə, 1995-ci ildən isə Kyokuşin Karate (Mütləq Həqiqət) tam kontaktlı döyüş növü ilə məşğul olur. Məşğul olduğu müddətdə bir çox uğurları olub. Dəfələrlə Azərbaycan çempionu, müxtəlif beynəlxalq yarışların qalibi, Avropa və dünya çempionatlarının iştirakçısı və mükafatçılar sırasında olub.2007-ci ildə təcrübə mübadiləsi və idman dərəcəsinin artırılması məqsədilə beynəlxalq seminarda 30 fasiləsiz ardıcıl döyüşlər keçirmişdir. Beynəlxalq Kyokuşin-kan karate təşkilatının Azərbaycanda rəsmi nümayəndəsi, "Samuray" idman klubu ictimai birliyinin sədridir. Beynəlxalq dərəcəli hakim, III Dan qara kəmər ustasıdır. Azərbaycanda dəfələrlə Respublika turnirləri, kubok yarışları, beynəlxalq turnirlər və Avrasiya çempionatı keçirmişdir. Yetirmələri arasında Avropa və dünya çempionları vardır.2012-ci ildə Avropanın “Ən Yaxşı Hakimi” adına layiq görülüb.