FƏXRİMİZ

Bakı şəhəri 83 nömrəli məktəb-lisey Sovet İttifaqı Qəhrəmanı Həbibulla Eynulla oğlu Hüseynovun adını daşıyır. Həbibulla Hüseynov 9 oktyabr 1910-cu ildə Ərdəbil şəhərində anadan olub. O, 1928-ci ildə Tiflis hərbi məktəbini bitirib, müharibənin ilk günlərindən diviziya komandiri vəzifəsində düşmənlə qərb istiqamətində vuruşub. Həbibulla Hüseynov 1943-cü ildə SSRİ müdafiə nazirinin əmri ilə 268-ci zenit-artileriyası qvardiyasının  komandiri təyin edilib. Onun rəhbərlik etdiyi birləşmələr Pribaltikanın və Şərqi Prussiyanın azad edilməsində 1-ci Pribaltika cəbhəsinin tərkibində vuruşub. 1945-ci ilin yazında 3-cü Belarus cəhbəsi Zenlaynd yarımadasının düşməndən azad edilməsinə başladığı vaxt alman faşistləri əks hücümlarla, nəyin bahasına olursa-olsun Pillau rayonuna daxil olmaq istəyirdi. Əsasən Qaydau kəndi yaxınlığında vəziyyət daha da gərgin idi. Burada almanlar tankların köməyi ilə sovet müdafiəsini yarıb keçmişdilər. Bu vəziyyətdə polkovnik zenit hissələrinə irəli əmrini verir və düşmənin tanklarını birbaşa hədəfə alır. 6 aprel 1945-ci ildə 35 yaşlı komandir komanda məntəqəsini tərk edir və döyüşə şəxsən rəhbərlik edir. Düşmən hücumunun  qarşısı alınır və onlar geriyə cəkilməyə məcbur olur. Bu döyüşdə diviziya komandiri polkovnik Həbibulla Hüseynov qəhrəmancasına həlak oldu. SSRİ Ali Soveti Rəyasət Heyətinin 29 iyun 1945-ci il tarixli Fərmanı ilə qvardiya polkovniki Hüseynov Həbibulla Eynulla oğlu Sovet ittifaqı qəhrəmanı adına layiq görüldü (ölümündən sonra). Düşmənlə döyüşdə göstərdiyi igidlik və şücaətinə görə polkovnik Hüseynov Həbibulla Eynulla oğlu bir sıra orden və medallara layiq görülmüşdü:

İki Döyüş Qırmızı Bayraq ordeni

Qırmızı Ulduz ordeni

Birinci dərəcəli Böyük Vətən Müharibəsi ordeni

Stalinqadın qorunması üçün verilən orden

Kenisberqin alınması üçün verilən orden

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM